നരിക്കുനിയിലെ കൃഷിയുറപ്പ്

തൊഴിലുറപ്പുപദ്ധതി കൃഷിക്ക് എങ്ങനെ പ്രയോജനപ്പെടുത്താമെന്ന് മലമുകളിലെ മഴക്കാലക്കൃഷിയിലൂടെ ഇവർ കാണിച്ചുതരുന്നു

 കാടു തെളിച്ചും പുല്ലു പറിച്ചും നടക്കുന്നവരെന്ന പേരുദോഷത്തിൽനിന്നും നാടിനു വേണ്ടതൊക്കെ ഉൽപാദിപ്പിക്കുന്നവരെന്ന പെരുമയിലേക്ക് തൊഴിലുറപ്പുകാരെ ഉയർത്തിയാണ് കോഴിക്കോട് ജില്ലയിലെ നരിക്കുനി കൃഷിഭവൻ ശ്രദ്ധ നേടുന്നത്. ആകെ 32 മലകളുള്ള പഞ്ചായത്തിലെ വയലുകളിലാണ് പച്ചക്കറി കൃഷി ചെയ്തിരുന്നത്. എന്നാൽ, മഴക്കാലത്ത് വയലുകളിൽ വെള്ളക്കെട്ടുണ്ടാകുന്നതിനാൽ പച്ചക്കറിക്കൃഷി അസാധ്യം. ജനനിബിഡമായ ഈ ഭാഗത്ത് സ്ഥലലഭ്യതയും കുറവാണ് പലതും നികത്തപ്പെട്ടു. പിന്നെ എവിടെ എങ്ങനെ കൃഷി ചെയ്യും?