മീൽസ് റെഡി

അരുമകൾക്കു പോഷകത്തീറ്റയായി പുഴുക്കൾ

നമുക്ക് പരിചിതമല്ലെങ്കിലും ലോകത്തു പലയിടത്തും കീടങ്ങളെയും പുഴുക്കളെയും ഒന്നാന്തരം പ്രോട്ടീൻ സ്രോതസ്സായി മനുഷ്യർ ആഹാരക്രമത്തിൽ പ്രയോജനപ്പെടുത്തുന്നുണ്ട്. അവയിലൊന്നാണ് മീൽവേം. പല രാജ്യങ്ങളിലും, ഇന്ത്യയിലെതന്നെ ചില വടക്കുകിഴക്കൻ സംസ്ഥാനങ്ങളിലും ആളുകൾ ആഹാരമാക്കുന്ന മീൽവേമിന് ആ രീതിയിൽ നമ്മുടെ നാട്ടിൽ സ്വീകാര്യത ലഭിക്കില്ലെങ്കിലും പെറ്റ് ഫുഡ്' എന്ന നിലയ്ക്കു നല്ല സാധ്യത ഉണ്ട്. അരുമപ്പക്ഷികൾക്കും മത്സ്യങ്ങൾക്കും ആരോഗ്യ രക്ഷയ്ക്കുതകുന്ന ഒന്നാന്തരം പ്രോട്ടീൻ ഭക്ഷണമാണ് മീൽവേം ലാർവ. എറണാകുളം ജില്ലയിൽ പിറവത്തിനടുത്തു പാഴൂരിലുള്ള രാജീവൻ നിരപ്പേലിന്റേത് അത്തരമൊരു സംരംഭം.