ചെണ്ടുമല്ലി നൽകും ചെറുതല്ലാത്ത ലാഭം

ഓണം ലക്ഷ്യമിട്ടുള്ള പുഷ്പകൃഷിക്ക് സംസ്ഥാനത്തു മികച്ച വളർച്ച

ഓണ വിപണി മുന്നിൽക്കണ്ട് കേരളത്തിൽ പുഷ്പ കൃഷി ചെയ്യുന്നവരുടെ എണ്ണം ഏതാനും വർഷ ങ്ങളായി വർധിച്ചു വരുന്നുണ്ട്. കുടുംബശ്രീ കൂട്ടായ്മകളാണ് ചെണ്ടുമല്ലിക്കൃഷിയിലേക്ക് ആദ്യമിറങ്ങിയതെങ്കിൽ ഇന്ന് ഒട്ടേറെ കർഷകരും രംഗത്തുണ്ട്. വർഷം ചെല്ലുന്തോറും കൃഷിവിസ്തൃതി വർധിക്കുന്നുവെന്നതു ശ്രദ്ധേയം. ചെറിയ കാലയളവിലെ കൃഷിയിൽനിന്നു വലിയൊരു തുക കയ്യിലെത്തും എന്നതാണ് ഈ കൃഷിയെ ആകർഷകമാക്കുന്നത്.

സുഹൃത്തുക്കളായ ടി.സി. ജയനും കെ.കെ. ബിനോയി യും ചേർന്ന് എറണാകുളം ചെങ്ങമനാട് പൊയ്ക്കാട്ടുശ്ശേരി ചൂണ്ടാംതുരുത്തിൽ 80 സെന്റിൽ ചെണ്ടുമല്ലിക്കൃഷി ചെയ്തിരിക്കുന്നതും ലാഭപ്രതീക്ഷയോടുതന്നെ. കൊച്ചിയിൽ യുണൈറ്റഡ് ഇന്ത്യ ഇൻഷുറൻസിൽ ജോലി ചെയ്യുന്ന ജയനും ജൈവവളങ്ങളുടെ ഡയറക്ട് മാർക്കറ്റിങ് രംഗത്തുള്ള ബിനോയിയും മുൻപേ തന്നെ കൃഷിക്കാരാണ്.