ഡയറ്റ് എല്ലാവർക്കും ഒന്നല്ല

 ശരീരഭാരം കൂടിയതിന്റെ കാരണം മനസ്സിലാക്കി ഓരോരുത്തരുടെയും ശാരീരിക സവിശേഷതകൾക്ക് അനുസരിച്ചുള്ള ഭക്ഷണ രീതികളാണ് സ്വീകരിക്കേണ്ടത്. എങ്കിലേ ലക്ഷ്യം നേടാൻ സാധിക്കൂ

- സൗമ്യഎസ്.നായർ ഡയറ്റീഷ്യൻ ഇ.എസ്.ഐ.സി. ഹോസ്പിറ്റൽ ഏഴുകോൺ, കൊല്ലം ക്വീനർ,ഐ.ഡി.എ.കേരളചാപ്റ്റർ

ശരീരത്തിന്റെ ദൈനംദിന പ്രവർത്തനങ്ങൾക്കും ശാരീരിക-മാനസിക വളർച്ചയ്ക്കും പ്രതിരോധ പ്രവർത്തനങ്ങൾക്കും ആവശ്യമായ ഊർജവും പോഷകങ്ങളും ഭക്ഷണത്തിൽനി ന്നാണ് ലഭിക്കുന്നത്. എന്നാൽ അമിത ഊർജദായകമായ ഭക്ഷണം കഴിക്കുന്നതിലൂടെ അമിതവണ്ണം ഉണ്ടാകുന്നു. അമിതമായി കൊഴുപ്പ് ശരീരത്തിൽ അടിഞ്ഞ് ശാരീരിക പ്രവർത്ത നങ്ങളെയും ഹോർമോൺ സന്തുലിതാവസ്ഥയെയും അവയവങ്ങളുടെ പ്രവർത്തനങ്ങളെയും ബാധിക്കുമ്പോൾ അത് രോഗാവസ്ഥയായി മാറുന്നു.

കാരണങ്ങൾ

അശാസ്ത്രീയമായ ഭക്ഷണരീതിയാണ് അമിതവണ്ണത്തിനുള്ള മുഖ്യകാരണം. ഭക്ഷണത്തിലൂടെ ലഭിക്കുന്ന ഊർജത്തിന്റെ അളവാണ് കലോറി. അന്നജം, പ്രോട്ടീൻ, കൊഴുപ്പ് എന്നിവയാണ് പ്രധാന ഊർജദായക പോഷകങ്ങൾ. ഒരു ഗ്രാം അന്നജം, പ്രോട്ടീൻ ദഹിക്കുമ്പോൾ 4 കിലോ കലോറി ഊർജവും ഒരു ഗ്രാം കൊഴുപ്പ് 9 ഊർജവും ഉത്പാദിപ്പിക്കുന്നു. ശരീരത്തിന് ആവശ്യമായതിൽ കൂടുതൽ ഊർജം ഭക്ഷണത്തിലൂടെ ലഭിക്കുമ്പോൾ ശരീരം ഈ ഊർജത്തെ കൊഴുപ്പാക്കി ത്വക്കിനടിയിലും കലകളിലും കരളിലുമൊക്കെ സൂക്ഷിക്കുന്നു. അധികമായി ലഭിക്കുന്ന ഓരോ 9  കിലോകലോറിയും ഒരു ഗ്രാം കൊഴുപ്പായി മാറുന്നു. കാലക്രമേണ അമിതവണ്ണമായി മാറുന്നു.

ചില രോഗാവസ്ഥകൾ, ഹോർമോൺ തകരാറുകൾ, ജനിതക കാരണ ങ്ങൾ, മരുന്നുകളുടെ പാർ ശ്വഫലങ്ങൾ എന്നിവയും അമിതവണ്ണം ഉണ്ടാകാം. ഇവരിൽ ഭക്ഷണനിയന്ത്രണത്തോടൊപ്പം കൃത്യമായ ചികിത്സയും ആവശ്യമാണ്.

വ്യായാമം തീരെ കുറഞ്ഞ ജീവിതശൈലി.

എങ്ങനെ നിയന്ത്രിക്കാം

ഭക്ഷണത്തിൽനിന്ന് ലഭിക്കുന്ന ഊർജത്തിന്റെ അളവ് നിയന്ത്രിക്കുക (ഡയറ്റിങ്), ഒപ്പം ഉത്പാദിപ്പി ക്കപ്പെടുന്ന ഊർജത്തിന്റെ ശരിയായ ഉപയോഗം (വ്യായാമം) എന്നിവയാണ് അമിതവണ്ണം നിയന്ത്രിക്കാനുള്ള മാർഗങ്ങൾ.

ചിലരിൽ ബാരിയാട്രിക് സർജറിയിലൂടെയും കൊഴുപ്പ് നീക്കാറുണ്ട്.

എന്താണ് ശരിയായ ഡയറ്റിങ്

ഡയറ്റിങ് എന്നാൽ ജീവിതശൈലിയിൽ വരുത്തേണ്ട നല്ല മാറ്റമാണ്. ശരിയായ ഭക്ഷണക്രമീകരണം എന്നാൽ എല്ലാ അവശ്യ പോഷണങ്ങളും ഉൾക്കൊള്ളിച്ച് നമുക്ക് ആവശ്യമായ അളവിൽ ഭക്ഷണശീലത്തെ പരിഷ്കരിക്കുക എന്നതാണ്. വീടുകളിൽനിന്ന് അവ തുടങ്ങണം. സമീകൃതാഹാരമാണ് എപ്പോഴും കഴിക്കേണ്ടത്. ജലാംശവും നാരുകളും കൂടുതൽ അടങ്ങിയ ഭക്ഷണങ്ങൾ കഴിക്കണം. ഏതെങ്കിലും ഒരു പോഷകം ഒഴിവാക്കുകയോ മറ്റൊന്ന് അമിതമായി ഉൾപ്പെടുത്തുകയോ ചെയ്യുന്ന രീതി അഭികാമ്യമല്ല.