കുഞ്ഞുങ്ങളുടെ ഭക്ഷണം

കുഞ്ഞിന്റെ ഭക്ഷണരീതികൾ ഓരോ പ്രായത്തിലും വ്യത്യസ്തമായിരിക്കും. ആവശ്യത്തിന് പോഷകങ്ങളും ഊർജവും അടങ്ങിയ സമീകൃതാഹാരമായിരിക്കണം വളരുന്ന പ്രായത്തിൽ കുഞ്ഞിന് നൽകേണ്ടത്

- ഡോ.വിനിത പ്രസാദ് പ്രൊഫസർ പീഡിയാട്രിക്സ് വിഭാഗം അമൃതഹാസ്പിറ്റൽ, കൊച്ചി

കുഞ്ഞിന് എപ്പോൾ മുലയൂട്ടണം?

നവജാത ശിശുക്കൾക്ക് നൽകാവുന്ന സമ്പൂർണ ആഹാരമാണ് മുലപ്പാൽ. കുഞ്ഞിന്റെ വളർച്ചയ്ക്കും ബുദ്ധിവികാസത്തിനും ആവശ്യമായ എല്ലാ ഘടകങ്ങ ളും മുലപ്പാലിൽ അടങ്ങിയിട്ടു ണ്ട്. മുലപ്പാൽ എളുപ്പത്തിൽ ദഹിക്കും. അണുബാധയിൽ നിന്നും അലർജിയിൽ നിന്നും കുഞ്ഞുങ്ങളെ സംരക്ഷിക്കുകയും ചെയ്യും. കുഞ്ഞ് ജനിച്ച് എത്രയും വേഗം തന്നെ മുലയൂട്ടണം. സാധാരണ പ്രസവമാണങ്കിൽ അരമണിക്കൂറിനകവും സിസേറിയനാണെങ്കിൽ പരമാവധി ഒരു മണിക്കൂറിനകവും മുലയൂട്ടണം. മുലപ്പാൽ അല്ലാതെ തേൻ, വെള്ളം, ഗ്ലൂക്കോസ്, മറ്റ് എന്തെങ്കിലും പാൽ തുടങ്ങിയവ കുഞ്ഞിന് നൽകരുത്.

പ്രസവശേഷം അമ്മയിൽ നിന്ന് വരുന്ന ആദ്യത്തെ പാൽ കൊളസ്ട്രം എന്നാണ് അറിയപ്പെടുന്നത്. ഇത് സാധാരണ മുലപ്പാലിനെക്കാൾ കട്ടികൂടിയതും മഞ്ഞനിറത്തിലുമായിരി ക്കും. ഈ പാൽ പിഴിഞ്ഞു കളയാതെ കുഞ്ഞിന് നൽകണം.10- 40 മില്ലിലിറ്റർ വരെയാണ് ഉണ്ടാവുക. ഇത് കുഞ്ഞിന്റെ ആവശ്യത്തിന് മതിയാകും. കൊളസ്ട്രത്തിൽ ധാരാളം പ്രോട്ടീനുകളും ആന്റിബോഡികളും വിറ്റാമിനുകളും ധാതുക്കളും അടങ്ങിയിട്ടുണ്ട്. അത് കുഞ്ഞിന്റെ രോഗപ്രതിരോധശേഷി വർധിപ്പിക്കും. കൊളസ്ട്രമാണ് അമ്മയിൽ നിന്ന് കുഞ്ഞിന് ലഭിക്കുന്ന ആദ്യത്തെ ഇമ്മ്യൂണൈസേഷൻ. മഞ്ഞനിറവും പ്രത്യേക ഗുണങ്ങളും മൂലം കൊളസ്ട്രത്തെ ലിക്വിഡ് ഗോൾഡ് എന്ന് വിശേഷിപ്പിക്കാറുണ്ട്. കുഞ്ഞിന്റെ ആദ്യത്തെ മലവിസർജ്ജനം സുഗമമാക്കാനും കൊളസ്ട്രം സഹായിക്കും.

പ്രസവിച്ച് മൂന്ന് ദിവസത്തിന് ശേഷം ഉണ്ടാവുന്ന പാലാണ് ട്രാൻസിഷണൽ മിൽക്ക്. ജനനശേഷം രണ്ടാമത്തെയോ മൂന്നാമത്തെയോ ആഴ്ച മുതൽ ഉണ്ടാകുന്നതാണ് മെച്വർ മിൽക്ക്. കുഞ്ഞ് പാൽ വലിച്ചുകുടിക്കുന്തോറും അമ്മയിൽ മുലപ്പാൽ ഉത്പാദിപ്പിക്കുന്ന ഹോർമോണുകൾ കൂടുതലായി പ്രവർത്തിക്കുകയും അതിനനുസരിച്ച് പാലിന്റെ അളവ് കൂടുകയും ചെയ്യും. ആറുമാസത്തേക്ക് കുഞ്ഞിന് മുലപ്പാൽ മാത്രമേ കൊടുക്കാവൂ. രണ്ടുവയസ്സുവരെ മുലയുട്ടൽ തുടരണം.

എങ്ങനെ മുലയൂട്ടാം?