വേനൽക്കാലമാണ് വൈദ്യുതി സൂക്ഷിക്കാം

ഐ.എസ്.ഐ മാർക്കുള്ള റീപ്ലേസ്മെന്റ് വാറന്റി നൽകുന്ന സ്വിച്ചുകൾ വാങ്ങുന്നതാണ് എപ്പോഴും നല്ലത്

വീടിന്റെ പ്ലാനിങ് ഘട്ടത്തിൽ തന്നെ വയറിങ് ലേ ഔട്ട് തയാറാക്കണം. ഒരു വീടിന്റെ മുഴുവൻ ഇലക്ട്രിക്കൽ വയറിങ് സർക്യൂട്ടിന്റെയും ഉപകരണങ്ങളുടെയും രൂപകല്പനയാണ് വയറിങ് ഡയഗ്രം, ഒരു വീടിന്റെ വൈദ്യുതീകരണ ജോലികൾ തുടങ്ങുന്നത് മേൽക്കൂര വാർക്കുമ്പോഴാണ്. ഇതിനുമുമ്പ് ഓരോ ലൈറ്റ് പോയന്റുകളും തീരുമാനിച്ചാൽ വാർക്കുന്ന സമയത്ത് തന്നെ അതിനനുസരിച്ച് പൈപ്പുകൾ കോൺക്രീറ്റിനുള്ളിലൂടെ ഇട്ടുവെക്കാം.ഓരോ മുറിയിലും എത്ര പോയന്റുകൾ വേണം, എന്തൊക്കെ ഇലക്ട്രിക് ഉപകരണങ്ങൾ ഘടിപ്പിക്കണം എന്നിവയെല്ലാം സംബന്ധിച്ച് ഒരു നിശ്ചയം ആദ്യംതന്നെ വേണം.

ടി.വി, റഫിജറേറ്റർ, വാഷിങ് മെഷീൻ, എയർ കണ്ടീഷണർ, വാട്ടർ ഹീറ്റർ, ഇൻഡക്ഷൻ ഹീറ്റർ തുടങ്ങിയ വീട്ടുപകരണങ്ങൾ എവിടെയൊക്കെയാണ് സ്ഥാപിക്കേണ്ടതെന്ന് വ്യക്തമായ ധാരണ വേണം. പരിചയസമ്പന്നനായ ഇലക്ട്രീഷ്യന് ഒപ്പമിരുന്ന് ആവശ്യങ്ങൾ ചർച്ചചെയ്ത് ഓരോന്നും തീരുമാനിക്കണം. വയറിങ്ങിന് ഉപയോഗിക്കുന്ന സാധനങ്ങ ളുടെയും ഉപകരണങ്ങളുടെയും എണ്ണവും അളവും ബ്രാൻഡും നിശ്ചയിച്ച് മൂന്നോ നാലോ കടയിൽനിന്ന് ക്വട്ടേഷൻ സ്വീകരിച്ച് കുറഞ്ഞ വിലയ്ക്ക് നൽകുന്നിടത്തുനിന്ന് വാങ്ങിയാൽ ലാഭം നേടാം.

ഇലക്ട്രിക്കൽ വയറിങ് പ്ലാൻ, ഇലക്ട്രിക്കൽ എസ്റ്റിമേറ്റ് എന്നിവ തയാറാക്കണം. മെറ്റീ രിയൽ എസ്റ്റിമേറ്റ്, ലേബർ എസ്റ്റിമേറ്റ് എന്നിവ കൂടാതെ മെറ്റീരിയൽ ഷെഡ്യൂൾ, ലേബർ ഷെഡ്യൂൾ എന്നിവ ഉണ്ടാക്കിയാൽ വയറിങ്ങിനു വേണ്ടി ഓരോ ഘട്ടത്തിലും എത്ര പണം വേണ്ടിവരും എന്നത് കൃത്യമായി ബോധ്യപ്പെടും.