பத்து தல

அரசியல்வாதிகளை எதிர்த்து மக்களுக்கு நல்லது செய்யப் போராடும் நல்ல தாதாவுக்கு அண்டர்கவர் போலீஸ் ஸ்கெட்ச் போட, அடுத்து என்ன நடக்கிறது என்பதே கதை.

விலையில்லா தடுப்பூசி திட்டத்தை அறிமுகப்படுத்தும் இளம் முதல்வர் அருண்மொழிக்கு, துணை முதல்வர் நாஞ்சிலார் (கவுதம் மேனன்) குடைச்சல் கொடுக்கிறார். ஓவர் நைட்டில் ரூ.500 கோடி கேட்டு நாஞ்சிலார் டார்ச்சர் செய்ய, சீக்ரெட்டாக பணம் ரெடி செய்யப் போகும் வழியில் முதல்வர் ஹைவே ரூட்டில் கடத்தப்படுகிறார்.

முதல்வரின் மனைவி நாஞ்சிலார் மீது சந்தேகம் கிளப்ப, இடைக்கால முதல்வராகும் கிருஷ்ணா, கிங் மேக்கர் என்று சொல்லப்படும் ஏ.ஜி.ஆருக்கு (சிலம்பரசன்) விசுவாசமாக இருக்கிறார்.

கடத்தலில் தொடர்புடைய அமீரை (கலையரசன்) போலீஸ் ரவுண்டப் செய்ய, அவரோ தற்கொலை செய்து கொள்கிறார். இதனால் அடுத்த லீடு எதுவும் கிடைக்காமல் ஒரு வருடமாகியும் காணாமல் போன முதல்வரை கண்டுபிடிக்க முடியவில்லை.

அண்டர்கவர் போலீஸ் ஆபீசர் சக்திவேல் (கவுதம் கார்த்திக்), குணா என்ற பெயரில் ரவுடியாக வேஷம் கட்டி ஏ.ஜி.ரை நெருங்க ஒன்றரை வருடமாக ஸ்கெட்ச் போடுகிறான்.

குமரியில் ஓடும் ரெயிலை நிறுத்தி மணல் கொள்ளையை அரங்கேற்றும் ஏ.ஜி.ஆரின் செல்வாக்கை கண்டு மிரளும் குணா, சபரி, சிங்கா, ஷெல்வின் என மூன்று பேரைத் தாண்டித்தான் ஏ.ஜி.ஆரை நெருங்க முடியும் என்று புரிந்து கொள்கிறான்.

போன இடத்தில் குணாவுக்கு ஷெல்வின் உடன் முட்டல் மோதல் ஆகிறது. மணல் கொள்ளையைத் தடுக்க முயற்சிக்கும் தாசில்தார் லீலா, தாம்சன் (பிரியாபவானி) ஏ.ஜி.ஆரின் ஆட்களை எதிர்த்து பல்ப் வாங்குகிறார். அதிலும் அந்த கும்பலில் குணாவை பார்த்து ஷாக் ஆகிறார்.