മരം മുറിക്കാനും തടി കൊണ്ടുപോകാനും

സ്വകാര്യ ഭൂമിയിലെ 10 ഇനം മരങ്ങളുടെ തടി മറ്റൊരു സ്ഥലത്തേക്ക് കൊണ്ടുപോകാൻ അനുമതി വേണം

നിയമപ്രകാരം, സ്വകാര്യ ഭൂമിയിലെ ചന്ദനം ഒഴികെയുള്ള മറ്റ് മരങ്ങളെല്ലാം ഭൂവുടമയ്ക്ക് മുറിക്കാം. ഇതിന് മുൻകൂർ അനുമതിയൊന്നും ആവശ്യമില്ല. സ്വന്തം പുരയിടത്തിലാണെങ്കിലും ചന്ദനം മുറിക്കാൻ ഉടമസ്ഥന് അവകാശമില്ല. വനംവകുപ്പിനാണ് ഇതിനുള്ള അധികാരം. ചന്ദനത്തടി ലേലം ചെയ്ത് ലഭിക്കുന്ന തുകയുടെ 30 ശതമാനം അല്ലെങ്കിൽ മരം മുറിക്കുന്നതിനും ലേലത്തിനും വേണ്ടിവന്ന ചെലവ് ഇവയിൽ ഏതാണോ കൂടുതൽ അത് വനം വകുപ്പ് ഈടാക്കിയ ശേഷം ബാക്കി തുക ഭൂവുടമയ്ക്ക് ലഭിക്കും.