പൂക്കൾ മാത്രം പോരാ...

പരിപാലിക്കാൻ സമയമില്ലെങ്കിലും പൂന്തോട്ടത്തിന് അഴകു പകരാൻ ഒട്ടേറെ ഉൽപന്നങ്ങൾ വിപണിയിൽ ലഭിക്കും

സൗന്ദര്യം കാണുന്നവന്റെ കണ്ണിലാണെന്നു പറയാ റില്ലേ... പൂന്തോട്ടത്തിലും കാര്യത്തിലും അങ്ങനെത്തന്നെയാണ്. പുൽത്തകിടിയും വിലകൂടിയ ചെടികളുമൊന്നും വേണ മെന്നില്ല പൂന്തോട്ടം ഭംഗിയാകാൻ നാടൻ ചെടികളും മരങ്ങളും മാത്രം വച്ചാലും ഇലച്ചെടികൾ മാത്രം നട്ടാലുമൊക്കെ പൂന്തോട്ടം ഭംഗിയാക്കി മാറ്റാം. ചെടികൾ ഭംഗിയാക്കി നിർത്താനും പൂ തോട്ടത്തിന്റെ അഴകുകൂട്ടാനുമുള്ള ഒട്ടേറെ ഉൽപന്നങ്ങൾ വിപണിയിലുണ്ട്.

ചെടി പടർത്താം എങ്ങനെയും...

ചെടികളെ ഭംഗിയായി ക്രമീകരിക്കാൻ ഒട്ടേ റെ ഉൽപന്നങ്ങൾ വിപണിയിലുണ്ട്. വള്ളിച്ചെ ടികൾ പടർത്താനുള്ള ഫയിമുകൾ പണ്ട് പറഞ്ഞു പണിയിക്കുകയായിരുന്നെങ്കിൽ, ഇപ്പോൾ റെഡിമെയ്ഡ് ആയി ലഭിക്കും. ഓൺലൈൻ സൈറ്റുകളിലും ഗാർഡൻ ഉൽപന്നങ്ങൾ വിൽക്കുന്ന കടകളിലും വളരെയേറെ വൈവിധ്യ ത്തിൽ മെറ്റൽ ഫയിമുകൾ ലഭിക്കും. വാങ്ങി ക്കൊണ്ടുവന്ന് നേരിട്ട് മണ്ണിലേക്ക് ഉറപ്പിച്ചാൽ മതി. 200 രൂപയിൽ താഴെ മാത്രം വില വരുന്ന ചെറിയ മെറ്റൽ ഫയിമുകൾ മുതൽ 5,000 രൂപയ്ക്കു മുകളിലുള്ള വലിയ ഫ്രെയിമുകൾ വരെ ഇത്തരത്തിൽ ലഭിക്കും.