വിപണി മുന്നേറും പ്രതീക്ഷിക്കാം 14-15% വാർഷികനേട്ടം

ദീർഘകാല നിക്ഷേപത്തിലൂടെ ഒരു പോർട്ട്ഫോളിയോ വളർത്തിയെടുക്കുമ്പോൾ ഇടക്കാല വിഴ്ചകൾ ആവശ്യമാണ്. കാരണം കുറഞ്ഞ വിലയിൽ നല്ല ഓഹരികൾ വാങ്ങാൻ മികച്ച അവസരം ലഭിക്കും. അജയ് മേനോൻ സിഇഒ ബ്രോക്കിങ് & ഡിസ്ട്രിബ്യൂഷൻ, ഹോൾടൈം ഡയറക്ടർ, മോത്തിലാൽ ഓസ്വാൾ ഫിനാൻഷ്യൽ സർവീസസ്.

- അജയ് മേനോൻ

ഇന്ത്യയുടെ ദീർഘകാല വളർച്ചാ സാധ്യതകളെക്കുറിച്ച് ബുള്ളിഷ് കാഴ്ചപ്പാട് തന്നെയാണുള്ളത്. കമ്പനികളുടെ വരുമാന വളർച്ചയ്ക്കനുസൃതമായി ഈ സാമ്പത്തിക വർഷത്തിൽ നിഫ്റ്റി 12-15% നേട്ടമുണ്ടാക്കുമെന്നാണ് പ്രതീക്ഷ. കോർപ്പറേറ്റുകളുടെ വരുമാനം ഓരോ മാസത്തിലും ഉയരുകയാണ്. 202024 കാലയളവിൽ 20% നിരക്കിലാണ് (CAGR) വളർന്നത്. ഈയൊരു ട്രെൻഡ് തുടരുമെന്നും അടുത്ത 2 വർഷം വരുമാന വളർച്ച 15% നിരക്കിൽ (CAGR) ആയിരിക്കുമെന്നുമാണു വിലയിരുത്തൽ. തിരഞ്ഞെടുപ്പുമൂലമുണ്ടായ ചാഞ്ചാട്ടങ്ങൾക്കിടയിലും ഈയൊരു ഘടകമാണ് വിപണിക്കു ശക്തിനൽകിയത്. ജിഡിപി വളർച്ച, സാമ്പത്തികനില, രൂപയുടെ പ്രകടനം, കോർപ്പറേറ്റ് വരുമാനം എന്നീ ഘടകങ്ങൾ ഇന്ത്യൻ വിപണിക്ക് അനുകൂലമാണ്. 5 വർഷത്തിനിടയിൽ വിപണി 15% നിരക്കിലാണ് വളർന്നത്. സമാനമായ വളർച്ച നിലനിർത്തുമെന്നാണു കരുതുന്നത്.

വിദേശഫണ്ടുകൾ നിക്ഷേപം തുടരുമോ?

ഒരു വർഷത്തോളമായി എഫ്ഐഐകൾ വിൽപനക്കാരാണ്. യുഎസ് ഫെഡറൽ റിസർവ് പലിശ കുറയ്ക്കുന്നതിലെ കാലതാമസവും തിരഞ്ഞെടുപ്പു ഫലത്തെക്കുറിച്ചുള്ള അനിശ്ചിതത്വവും ഈ പ്രവണത നീണ്ടുപോകാൻ കാരണമായി. എന്നാൽ തുടർച്ചയായ മൂന്നാം തവണയും എൻഡിഎ അധികാരത്തിൽ വന്നതോടെ കാര്യങ്ങൾ മാറിയിട്ടുണ്ട്. ജൂൺ മാസത്തിൽ, അവർ അറ്റ് വാങ്ങലുകാരായിമാറി. എങ്കിലും ഈയൊരു പ്രവണത എത്രത്തോളം നിലനിൽക്കുമെന്ന്അറിയില്ല. പലിശ കുറയ്ക്കൽ യുഎസ് ഫെഡ് പ്രഖ്യാപിച്ചു കഴിഞ്ഞാൽ കൂടുതൽ വ്യക്തത വരും.

ആഗോളതലത്തിലെ പ്രശ്നങ്ങൾ?