അടുത്തറിയാം യുപിഎസിനെയും - എൻപിഎസിനെയും

ഉയർന്ന പെൻഷൻ; ഏതാണ് നല്ല പദ്ധതി?

യുപിഎസ്: ഉറപ്പുള്ള പെൻഷൻ ജീവിതകാലം മുഴുവൻ ഏകീകൃത പെൻഷൻ പദ്ധതി (Unified Pension Scheme) അഥവാ യുപിഎസ് വാഗ്ദാനം ചെയ്യുന്നത് ജീവനക്കാരന് ജീവിതകാലം മുഴുവൻ ഉറപ്പുള്ള പെൻഷൻ വരുമാനമാണ്.

കുറഞ്ഞത് 25വർഷത്തെ സർവീസുള്ളവർക്ക് അവസാന 12മാസത്തെ ശരാശരി അടിസ്ഥാന ശമ്പളത്തിന്റെ 50% പെൻഷൻ ഉറപ്പ്.

10മുതൽ 25വർഷംവരെ സേവന കാലാവധിയുള്ളവർക്ക് സർവീസിന് അനുപാതികമായ തുക ഉറപ്പായും പെൻഷൻ ലഭിക്കും.

പത്തു വർഷം എന്ന കുറഞ്ഞ സർവീസു ള്ളവർക്കെല്ലാം കുറഞ്ഞത് 10,000 രൂപ പെൻഷൻ ഉറപ്പാണ്.

മരണംവരെ ലഭിക്കുന്ന ഉറപ്പുള്ള ഈ പെൻഷനു പുറമെ പെൻഷനറുടെ മരണശേഷം മാസപെൻഷന്റെ 60% പങ്കാളിക്കു ലഭിക്കും. അതും ജീവിതകാലം മുഴുവൻ.

വിലക്കയറ്റത്തെ മറികടക്കാൻ ക്ഷാമബത്ത

നിശ്ചിത പെൻഷൻ ഉറപ്പായും കിട്ടുമെങ്കിലും ഉയരുന്ന വിലക്കയറ്റം മൂലം വർഷങ്ങൾ കഴിയുന്തോറും അതു മതിയാകാതെവരും. അതിനു പരിഹാരമായി അതാതു സമയത്ത് സർക്കാർ ക്ഷാമബത്ത പ്രഖ്യാപിക്കും. അഖിലേന്ത്യ ഉപഭോക്തൃവില സൂചിക അടിസ്ഥാനമാക്കിയുള്ള ഈ ക്ഷാമബത്ത മൂലം യുപിഎസ് പെൻഷൻ തുക ക്രമമായി വർധിച്ചു കൊണ്ടിരിക്കും.

പഴയ പദ്ധതിയിൽ കിട്ടിയിരുന്നത്