സൈബർ തട്ടിപ്പ് പെരുകുന്നു കരുതിയിരിക്കാം; നഷ്ടപ്പെട്ട പണം വീണ്ടെടുക്കാം

പെരുകുന്ന ഓൺലൈൻ തട്ടിപ്പുകളെക്കുറിച്ചും നഷ്ടപ്പെട്ട പണം വീണ്ടെടുക്കാനുള്ള വഴികളെക്കുറിച്ചും അറിയാം

വെർച്വൽ അറസ്റ്റിന്റെ കാലം കഴിഞ്ഞെന്നുവേണം കരുതാൻ. ഓൺലൈൻ തട്ടിപ്പുകാരുടെ ഓരോ നമ്പറുകളും ജനം തിരിച്ചറിയുന്നതോടെ തന്ത്രങ്ങൾ മാറ്റി പരീക്ഷിക്കുന്നതാണ് ഇവരുടെ രീതി. ഇല്ലാത്ത പാഴ്സലിന്റെ പേരിൽ അന്വേഷണ ഏജൻസികൾ ചമഞ്ഞ് ഇരയെ വിഡിയോകോൾ ചെയ്തു ഭീഷണിപ്പെടുത്തി അക്കൗണ്ട് വിവരങ്ങളും മറ്റും ചോർത്തി പണം തട്ടുന്നതായിരുന്നു വെർച്വൽ അറസ്റ്റ്.' ഇത്തരം വാർത്തകൾ പ്രചരിച്ചതോടെ വ്യത്യസ്തമായ പുതിയ രീതികളുമായി വലവിരിച്ച് ഇരകളെ കാത്തിരിക്കുന്നുണ്ട് അവർ നമുക്കു ചുറ്റും. അതേസമയം ഇരകളാക്കപ്പെട്ടവരുടെ മനഃസംയമനം പാലിച്ചുള്ള പ്രതികരണവും ഒപ്പം ബന്ധപ്പെട്ട ഉദ്യോഗസ്ഥരുടെ കൃത്യസമയത്തുള്ള ശരിയായ ഇടപെടലും വഴി നഷ്ടപ്പെട്ട പണത്തിൽ കുറെയൊക്കെ വീണ്ടെടുക്കാനായി എന്നത് പ്രതീക്ഷ പകരുന്നു.

പെട്ടെന്നു പരാതി നൽകി, പകുതിയോളം രൂപ തിരികെക്കിട്ടി വെർച്വൽ അറസ്റ്റ് എന്ന പേരിൽ പണം നഷ്ടപ്പെട്ട ഒറ്റപ്പാലത്തെ ഡോക്ടർക്ക് ആറു ലക്ഷത്തിൽ 2.98 ലക്ഷം രൂപ തിരികെ നൽകാൻ ഒറ്റപ്പാലം ജുഡീഷ്യൽ ഫസ്റ്റ്ക്ലാസ് മജിസ്ട്രേട്ട് ഉത്തരവിട്ടു. നാഷനൽ സൈബർ ക്രൈം റിപ്പോർട്ടിങ് പോർട്ടലിൽ (NCRP) നൽകിയ പരാതിയെത്തുടർന്ന് പണം കൈപ്പറ്റിയ അക്കൗണ്ടും അതിൽ നിന്നും പണം കൈമാറിയ വിവിധ അക്കൗണ്ടുകളും മരവിപ്പിച്ചിരുന്നു. ഈ അക്കൗണ്ടുകളിൽ ശേഷിച്ച 2.98 ലക്ഷം രൂപയാണ് ഡോക്ടർക്കു ലഭിക്കുക. എന്നാൽ അക്കൗണ്ടുകളിൽ നിന്ന് ആദ്യം പിൻവലിച്ച 3 ലക്ഷത്തിലേറെ രൂപ തിരികെപ്പിടിക്കാനായില്ല. തട്ടിപ്പ് ബോധ്യപ്പെട്ടയുടൻ പോർട്ടലിൽ പരാതിപ്പെട്ടതാണ് ഇത്രയും തുക തിരികെ ലഭിക്കാൻ സഹായകമായത്.

ഓൺലൈൻ ട്രേഡിങ്ങിന്റെ പേരിൽ സൈനികനു നഷ്ടപ്പെട്ട 8.46 ലക്ഷം രൂപയിൽ 7.6 ലക്ഷം രൂപയും സമാനമായി തിരികെ നൽകാനും കോടതി ഉത്തരവുണ്ട്. പൊലീസ് ബാങ്കുകൾക്ക് കോടതി കൈമാറുന്ന മുറയ്ക്ക് പണം ഇവരുടെ ഉത്തരവ് അക്കൗണ്ടിൽ തിരിച്ചെത്തിയേക്കും.

തട്ടിപ്പുകളിലേറെയും സമൂഹമാധ്യമങ്ങളിലൂടെ