മണ്ണിൽ വിരിയും സ്വപ്നങ്ങൾ

വലിയ ഉള്ളി, കാരറ്റ്, ബീറ്റ്റൂട്ട്, മുളക് തുടങ്ങി വിവിധതരം പൂക്കളും തണ്ണിമത്തനും വരെ കൃഷിചെയ്യുന്നുണ്ട് അമീർ ബാബു. അതിനൊപ്പം നിരന്തര യാത്രയിലും. പുതിയ വിത്തും കൃഷി രീതികളും തേടിയുള്ള യാത്ര...

- കെ.എം.എം. അസ്ലം

പുതിയ വിളകളെയും കൃഷിരീതികളെയും കുറിച്ച് മനസ്സിലാക്കാൻ ആന്ധ്രയിലും തമിഴ്നാട്ടിലും കർണാടകയിലും യാത്ര ചെയ്തിട്ടുണ്ട്. അതും എന്റെ പത്ത് വർഷം പഴക്കമുള്ള ബൈക്കിൽ. യാത്ര തനിച്ചാണ്. പുലർച്ചെ വീട്ടിൽനിന്ന് ഇറങ്ങും. രണ്ടും മൂന്നും ദിവസം ബൈക്കിൽ തന്നെയാണ് യാത്ര. എത്തുന്നിടത്ത് വിശ്രമവും ഭക്ഷണവും'- മലപ്പുറം മക്കരപ്പറമ്പ കരിഞ്ചാപ്പാടിയിൽ കൃഷിയിറക്കി നൂറു മേനി വിളവും നേട്ടവും കൊയ്ത് അമീർ ബാബുവിന്റെ വാക്കുകളാണിത്. നൂതനരീതിയിൽ സാങ്കേതിക സംവിധാനങ്ങളുപയോഗിച്ച് കൃഷി ചെയ്തതിന് കേന്ദ്ര-സംസ്ഥാന സർക്കാറുകളുടെ പുരസ്കാരങ്ങളാണ് അദ്ദേഹത്തെ തേടിയെത്തിയത്.

മണ്ണറിഞ്ഞ് കൃഷി

ആന്ധ്രയിലെ മുളകുപാടങ്ങളും കർ ണാടകയിലെയും തമിഴ്നാട്ടിലെയും പച്ചക്കറികളുടെയും പൂക്കളുടെയും പാടങ്ങൾ സന്ദർശിച്ച് കർഷകരോ ടൊപ്പം ദിവസങ്ങൾ ചെലവഴിക്കും. കാലാവസ്ഥക്കും നാട്ടിലെ മണ്ണിനും അനുയോജ്യമായ വിത്തിനങ്ങൾക്ക് ഓർഡർ നൽകും. അത് നൂതന സാ ങ്കേതികവിദ്യകളുടെ സഹായത്തോ ടെ കൃഷിയിറക്കും. സീസൺ അല്ലാത്ത സമയങ്ങളിൽ പോളി ഹൗസ് കൃഷി രീതിയിൽ പൂക്കളും പഴങ്ങളും കൃഷി ചെയ്യും. സ്വന്തമായുള്ള ഒന്നര ഏക്കർ പാടത്ത് നെല്ല് കൃഷി ചെയ്യുന്നു. ഏഴ് ഏക്കറിൽ നെല്ലും വെള്ളരി, തണ്ണിമത്തൻ എന്നിവ 15 ഏക്കറിലും മറ്റു പച്ചക്കറികൾ രണ്ട് ഏക്കറിലും ഉൾപ്പെടെ 25 ഏക്കർ സ്ഥലം പാട്ടത്തിനെടുത്താണ് മണ്ണിൽനിന്ന് നേട്ടം കൊന്നത്. ഒരേക്കറിന് 80,000 രൂപയാണ് ചെലവ്.

വരുമാനം നൽകാൻ നൂതന മാർഗങ്ങൾ