FRIENDSHIP SQUAD

ജീവിതത്തെ കുറിച്ച് ഒരുമിച്ചു സ്വപ്നം കണ്ട നാളുകൾ

- ടി.എസ്. നിസാമുദ്ദീൻ

ഒന്നരപ്പതിറ്റാണ്ടിലേറെയായി കാത്തുസൂക്ഷിക്കുന്ന സൗഹൃദത്തിന്റെ മനോഹരമായ കഥ പറയുകയാണ് ദുബൈയിലെ ഒരു കൂട്ടം മലയാളി പ്രവാസികൾ.

 ചങ്ങനാശ്ശേരിക്കാരനായ വർഗീസ് ജോസഫ്, തൃശൂരിൽ നിന്നുള്ള സുരഭിൻ വർഗീസ്, ഇരിങ്ങാലക്കുടക്കാരനായ സുദീപ് മേനോൻ, ഗുരുവായൂർ സ്വദേശി ഷമീർ റഹ്മത്തുല്ല, മല പുറം തിരൂരിൽ നിന്നുള്ള രതീഷ് വള്ളത്തോൾ, തൃപ്രയാറിൽ നിന്നുള്ള സുബിൻ സുഗത ൻ, ആലപ്പുഴക്കാരൻ ബിബിൻ പത്രോസ്, ചേറ്റുവക്കാരൻ മുഹമ്മദ് ഹബീഷ്, കൊല്ലം ജില്ലയിൽ നിന്നുള്ള സിബി, തൃശൂരിൽ നിന്നുള്ള ഹനീഷ് മന്ദിരം എന്നിവരാണ് ആ കഥയിലെ കഥാപാത്രങ്ങൾ. 2007ൽ ദുബൈയിലെ അലെക് എൻജിനീയറിങ് ആൻഡ് കോൺട്രാക്ടിങ് കമ്പനിയിലെ ഡിസൈനിങ് വിഭാഗത്തിലാണ് സൗഹൃദത്തിന്റെ വിത്തുമുളച്ചത്.

തിരക്കേറിയ ജീവിതത്തിൽ ഇത്തിരിനേരം ഒന്നിച്ചിരിക്കാൻ സമയം കണ്ടെത്താനാവാത്ത പുതിയ കാലത്ത് ആ സൗഹൃദം വളർന്നു പന്തലിച്ച് പത്തു കുടുംബങ്ങളിലേക്ക് വേരുകളാഴ്ത്തി കൂടുതൽ ദൃഢമാവുകയാണ്.

ജീവിതത്തെ കുറിച്ച് ഒരുമിച്ചു സ്വപ്നം കണ്ട നാളുകൾ