കൈയിലൊതുക്കാം അടുക്കള

വീട്ടുജോലികൾ സ്മാർട്ടായി ചെയ്തുതീർക്കാൻ കൃത്വമായ ടൈം പ്ലാനിങ്ങുകൊണ്ട് മാത്രമേ സാധിക്കൂ. ഏറ്റവും കുറഞ്ഞ സമയംകൊണ്ട് അടുക്കള ജോലി തീർക്കാൻ വേണം ശരിയായ ടൈം മാനേജ്മെന്റ്...

- റസ്ല സഹീദ്

ഒരു സാധാരണ വീട്ടിൽ അടുക്കളയിൽ മാത്രം സ്ത്രീ മിനിമം ചെലവഴിക്കുന്നത് 3-4 മണിക്കൂറാണ്. പാത്രം കഴുകി നൽകിയും കഷണം നുറുക്കിയും ന്യൂജൻ ആൺപിള്ളേർ 'നല്ല ഭർത്താക്കന്മാർ ആകുന്നുണ്ടെങ്കിൽ പോലും അതങ്ങനെയാണ്. കഷണം മുറിക്കലും പാത്രം കഴുകലും അല്ലാതെ ഒരു നീണ്ട പട്ടികയിലുള്ള പണികൾക്കെല്ലാം ടിക്ക് വീഴാതെ അടുക്കളപ്പണി' ക്ലോസ് ചെയ്യാനാകുമോ? ബെഡ് കോഫി മുതൽ ചിലർക്കെങ്കിലും അത്താഴത്തിനുശേഷമുള്ള കട്ടൻചായയോ ചൂടുവെള്ളമോ വരെ നീളുന്ന അടുക്കള'യുദ്ധം' ഒട്ടും ചെറുതല്ല.

ഉപ്പുതൊട്ട് കർപ്പൂരം വരെ ഒതുങ്ങിയിരിക്കുന്ന അടുക്കള, അവിടെ ഇത്രമാത്രം എന്താ ചെയ്യാനുള്ളതെന്ന് ആരെങ്കിലും ചോദിച്ചാൽ ഒറ്റവാക്കിൽ മറുപടി ഒതുക്കാനാവില്ല. "ഞാൻ എന്റെ ഭർത്താവിനെക്കൊണ്ട് കുക്ക് ചെയ്യിക്കാറില്ല. ഒരു പാത്രത്തിന് പകരം നാലെണ്ണം വലിച്ചിടും. പിന്നെ സ്റ്റൗവും കിച്ചൺടോപ്പും വൃത്തിയാക്കുന്നതുകൂടി ഓർക്കുമ്പോൾ നമ്മൾ ചെയ്യുന്നതാ നല്ലത്" -ഈ കൂട്ടുകാരിയിൽ നിന്നോ പരിചയക്കാരിൽ നിന്നോ  ഡയലോഗ് കേൾക്കാത്തവർ ചുരുക്കമാകും. അതെ അടുക്കളയിൽ പാത്രങ്ങൾ ഒതുക്കിവെക്കുന്നതും വൃത്തിയാക്കുന്നതുമെല്ലാം അത്യാവശ്യം ക്ഷമയും സമയവും മെനക്കെടുത്തുന്ന പരിപാടിതന്നെയാണ്.

ഫ്രിഡ്ജ് തുറക്കുന്നു, വെള്ളമോ തണുപ്പിച്ച മറ്റു പാനീയങ്ങളോ കുടിക്കുന്നു, ഫ്രിഡ്ജ് അടക്കുന്നു എന്നതിലപ്പുറം അതിനകത്ത് ഒറ്റനോട്ടത്തിൽ കിട്ടാവുന്ന രീതിയിൽ ഓരോന്നും അടുക്കി വെക്കുന്നതും പണിയല്ലേ? പാചകം മാത്രമല്ല, പാത്രങ്ങളും പലചരക്കുസാധനങ്ങളും ഒതുക്കിവെക്കുന്നത് മുതൽ കിച്ചൻ ടവൽ കഴുകി ഉണക്കുന്നതു വരെയുള്ളത് ‘അടുക്കളപ്പണി എന്ന ലേബലിൽ തന്നെയുള്ളതാണ്.

 കൃത്യമായി അടുക്കള ഓർഗനൈസ് ചെയ്യുന്നവർ തന്നെയാണ് ഇന്നത്തെ സ്ത്രീകൾ. മിക്കവരും സ്വന്തം കരിയറിൽ കൂടി ശ്രദ്ധിക്കുന്നവരായതിനാൽ പണികളെ ബാലൻസ് ചെയ്ത് കൊണ്ടുപോകാൻ പല അടവുകളും പയറ്റാറുണ്ട്. മുൻകൂട്ടി മെനു പ്ലാൻ ചെയ്തും വൃത്തിയുള്ള കാബിനറ്റും കൗണ്ടർ ടോപ്പും ഒരുക്കിയും കൈയകലത്തിൽ കുക്ക് ചെയ്യാനുള്ള പാത്രങ്ങൾ അടുക്കിവെച്ചും കഷണങ്ങൾ നുറുക്കിവെച്ചുമെല്ലാം കുഞ്ഞുകുഞ്ഞു പണികളിലൂടെ വലിയ ഭാരമായ അടുക്കള  പണിയെ കൈയിലൊതുക്കാവുന്ന സമയത്തിലേക്ക് ഒതുക്കാം. അതിനുള്ള വഴികളിതാ...

പ്ലാനിങ്