"kilometers & കിലോമീറ്റേഴ്സ്

57 ദിവസം, 13 രാജ്യങ്ങൾ, 27,000 കിലോ മീറ്റർ, ലണ്ടനിൽനിന്ന് റോഡുമാർഗം സഞ്ചരിച്ച് ജന്മനാട്ടിൽ തിരിച്ചെത്തിയ മലയാളികളുടെ ആ അഞ്ചംഗ യാത്ര വിശേഷങ്ങൾ...

- റഷാദ് കൂരാട്

ഹൗ മെനി കിലോമീറ്റർ ഫ്രം ' മിയാമി ബീച്ച് ടു വാഷിങ്ടൺ ഡി.സി ഈ ഡയലോഗ് ഒരിക്കലെങ്കിലും കേൾക്കാത്തവരുണ്ടാ വില്ല. 'മഴ പെയ്യുന്നു മദ്ദളം കൊട്ടുന്നു' എന്ന സിനിമയിൽ ശ്രീനിവാസന്റെ ഈ ഡയലോഗിന് മോഹൻലാൽ കൊടുക്കു ന്ന ഉത്തരം ഇന്നും കണ്ട് ചിരിക്കുന്നവരാണ് നമ്മൾ. "കിലോമീറ്റേഴ്സ് ആൻഡ് കിലോ മീറ്റേഴ്സ്". അത് എത്ര കിലോ മീറ്റർ ഉണ്ടെന്ന് എത്ര ആലോചിച്ചാലും കൃത്യമായി ഉത്തരം ലഭിക്കില്ല.

ലണ്ടനിൽ നിന്ന് കേളത്തിലെ ത്തിയ ഈ അഞ്ചു യുവാക്കളോട് എത്ര ദൂരമാണ് നിങ്ങൾ വണ്ടിയോടിച്ചതെന്ന് ചോദിച്ചാൽ അവരും മുകളിലത്തെഅതേ ഡയലോഗ് തന്നെ പറയും “കിലോമീറ്റേഴ്സ് ആൻഡ് കിലോമീറ്റേഴ്സ്".

ദൂരം പിന്നിൽ.ലക്ഷ്യം മുന്നിൽ

57 ദിവസം, 13 രാജ്യങ്ങൾ, 27,000 കിലോ മീറ്റർ, ലണ്ടനിൽനിന്ന് റോഡുമാർഗം സഞ്ചരിച്ച് ജന്മനാട്ടിൽ തിരിച്ചെത്തിയ അഞ്ചംഗ മലയാളി സംഘത്തിന് മുന്നിൽ നിഷ് പ്രഭമായത് ദൂരമെന്ന വലിയ ദൂരമാണ്.