બોલીવૂડને વળગ્યું બૉયકૉટ નામનું ઝોડ..

પૂછતા હૈ બોલીવૂડ: હવે થિયેટર ભરો આંદોલન ક્યારે?

અંતે બન્ને ચિત્રપટના ઘડાલાડવા થઈ ગયા. વેલ, ઑલમોસ્ટ. ચાર વર્ષની જહેમતથી સર્જાયેલી લાલસિંહ ચઢ્ઢા અને ૩૫-૪૦ દિવસમાં બનેલી રક્ષા બંધન બન્નેને પ્રેક્ષકો તરફથી એકસરખો મોળો આવકાર મળ્યો, જેનાં પરિણામે અનેક થિયેટરોમાં શોઝ કૅન્સલ થયા, અનેક થિયેટરોમાંથી ફિલ્મ ઉતારી લેવી પડી. આ બન્ને ફિલ્મનાં પરિણામથી બોલીવૂડમાં બૉયકૉટ નામના દૈત્યની ચર્ચા થવા માંડી છે. જાણે પાયરસીનું દૂષણ પૂરતું ન હોય તેમ આ વળી બૉયકૉટ નામનું ઝોડ વળગ્યું. ઝોડ વળગવું રૂઢિપ્રયોગનો અર્થ થાય છેઃ લફરું ચોટવું!