ઊંધી કળા

કવેળાએ ખૂલ્યો અવળા-સવળાનો ભેદ.

એબસ્ટ્રેક્ટ અર્થાત્ અમૂર્ત કળા અમને ક્યારેય સમજાતી નથી. અમારા આર્ટ ટીચર કહેતા કે મનમાં જે ભાવ કે લાગણી આવે એને મુક્ત મને વહેવા દઈને તમે જે ચિત્રકામ કે હસ્તકામ કે એવું જ કંઈ કરો એને એબસ્ટ્રેક્ટ કળા કહેવાય.

અમે એવા કળાબાજોને ઓળખીએ છીએ કે કૅનવાસ પર આડાઅવળા રંગોના થપેડા ચોપડ્યા હોય એવા પેન્ટિંગ પર કલાકો સુધી ચર્ચા કરી શકે. ફલાણા રંગની લીટીને ચિત્રકારે ઓચિંતા અમુક ખૂણે વળાંક આપ્યો છે એટલે એ કલાકાર ઢીંકણી લાગણી વ્યક્ત કરવા માગે છે એવી કૉમેન્ટ્રી અમે કળાપ્રેમી મિત્રોનાં મોઢે ઘણી વાર સાંભળી છે.