નૅશનલ ક્વૉન્ટમ મિશનઃ ભારત માટે ક્વૉન્ટમ લીપ!

ભારત સરકારે જાહેર કરેલો આ પ્લાન ટૅક્નોલૉજી ક્ષેત્રે દેશ માટે હનુમાનકૂદકો સાબિત થઈ શકે છે.

ક્વૉન્ટમ કમ્પ્યુટિંગ એ અત્યારના કમ્પ્યુટરથી ઘણી અલા, ઝડપી અને અસરકારક કમ્પ્યુટિંગ પદ્ધતિ છે.

ભારત સરકારે તાજેતરમાં નૅશનલ ક્વૉન્ટમ મિશનની જાહેરાત કરીને ચોતરફ ચર્ચા જગાવી છે. આ જાહેરાત સાથે ક્વૉન્ટમ ટેક્નોલૉજીના સંશોધનમાં ઝંપલાવનારા ટોચના છ દેશોની ક્લબમાં ભારત પણ જોડાઈ ગયું છે. સરકારે નૅશનલ ક્વૉન્ટમ મિશન હેઠળ ૨૦૨૩થી ૨૦૩૧ સુધીમાં ૬૦૦૦ કરોડ રૂપિયાના રોકાણની જાહેરાત કરી છે. ભારત પહેલાં અમેરિકા, કેનેડા, ફ્રાન્સ, ફિનલૅન્ડ, ચીન અને ઑસ્ટ્રિયા ક્વૉન્ટમ ટેક્નોલૉજીમાં ખણખોદ કરવામાં લાગી ગયાં છે. આ બધામાં મહત્ત્વની વાત એ છે કે ટેક્નોલૉજી ક્ષેત્રના નિષ્ણાતો આ મિશનને ભારત માટે ક્વૉન્ટમ લીપ (હનુમાનકૂદકો) ગણાવી રહ્યા છે.

વિજ્ઞાનીઓ કહે છે કે ક્વૉન્ટમ મિશન અમલમાં આવવાને કારણે ભારતમાં ક્વૉન્ટમ ટેક્નોલૉજીના વિકાસને વેગ મળશે. આવનારા દિવસોમાં ક્વૉન્ટમ-આધારિત ટેક્નોલૉજી આપણા જીવનને વ્યાપકપણે અસર કરશે. ભારતમાં આ મિશનના અમલની અસર જાહેર આરોગ્ય, રાષ્ટ્રીય સુરક્ષા, વિજ્ઞાન-ટેક્નોલૉજી, ઊર્જા, ડિજિટલ ઉપકરણો અને ડેટા સિક્યોરિટી સહિત અનેક ક્ષેત્રોમાં થશે.

આખરે છે શું આ ક્વૉન્ટમ?