દિલનો ઈલાજ દિલથી..

મુંબઈની ‘શ્રીમતી એસ.આર. મહેતા ઍન્ડ સર કે.પી. કાર્ડિયાક ઈન્સ્ટિટ્યૂટે’ હૃદયરોગ તેમ જ ઑર્થોપીડિક કૅરમાં અદ્યતન સુવિધા ધરાવતી હૉસ્પિટલ તરીકે નામના કાઢી છે.

પશ્ચિમ ભારતની કેટલીક સૌથી જૂની કાર્ડિયાક ઈન્સ્ટિટ્યૂટમાંની એક એવી મુંબઈની ‘શ્રીમતી એસ.આર. મહેતા ઍન્ડ સર કે.પી. કાર્ડિયાક ઈન્સ્ટિટ્યૂટ' દાયકાઓથી સચોટ, નૈતિક અને અત્યાધુનિક સારવાર કિફાયતી દરે પૂરી પાડતી હૉસ્પિટલ છે. આ સ્પેશિયાલિટી કાર્ડિયાક સેન્ટરનાં મંડાણ ૧૯૯૯ના માર્ચ મહિનામાં દીર્ઘદૃષ્ટા ઉદ્યોગપતિ અને દાનવીર શ્રી મનુભાઈ સી. શાહના નેતૃત્વમાં થયાં. ઉચ્ચ ગુણવત્તા, સલામત અને મધ્યમ વર્ગને પરવડે એવી હૃદયરોગોની સારવાર એક છત હેઠળ મળે એવા શુભ આશય સાથે ચૅરમૅન શ્રી એમ.સી. શાહે આ કાર્ડિયાક ઈન્સ્ટિટ્યૂટ શરૂ કરેલી. ૨૦૦૬ના જાન્યુઆરીમાં અહીં ઑર્થોપીડિક સ્પેશિયાલિટી સેન્ટર પણ શરૂ થયું. સ્થાપનાનાં ૨૫ વર્ષ બાદ આજે એણે અત્યાધુનિક તબીબી સારવાર પૂરી પાડતી કાર્ડિયાક તેમ જ ઑર્થોપીડિક હૉસ્પિટલ તરીકે નામના મેળવી છે.

હૉસ્પિટલની અત્યાધુનિક કૅથલૅબ.

અહીં અનેકાનેક એન્જિયોગ્રાફી, એન્જિયોપ્લાસ્ટી, બાયપાસ ઑપરેશન, વાલ્વ રિપ્લેસમેન્ટ તથા ટોટલ ની તેમ જ હિપ રિપ્લેસમેન્ટ તો થાય છે, સાથે સાથે ઈમ્પ્લાન્ટેશન ઑફ ઑટોમેટિક કાર્ડિયોવર્ટર ડિફાઈબ્રિલેટર (એસીઆઈડી), ઈલેક્ટ્રો ફિઝિયોલૉજિકલ સ્ટડી જેવી વિરલ ગણાય એવી પ્રોસિજર પણ થાય છે. આ ઉપરાંત, અહીં ટીએવીઆઈ (ટ્રાન્સકૅથેટર એઓર્ટિક વાલ્વ ઈમ્પ્લાન્ટેશન) પણ સફળતાપૂર્વક હાથ ધરવામાં આવ્યું છે.

પ્રગતિના રોમાંચક આંકડા

છેલ્લાં ત્રણ વર્ષમાં હૉસ્પિટલે ૪૫૦૦ કોરોનરી એન્જિયોગ્રાફી, ૧૬૦૦ કોરોનરી એન્જિયોપ્લાસ્ટી, ૧૯૦૦ કાર્ડિયાક સર્જરી અને ર૪૦૦ ઑર્થોપીડિક સર્જરી સફળતાપૂર્વક હાથ ધરી છે. જાણીને નવાઈ લાગશે, પણ આજે મુંબઈમાં સૌથી વધુ ની રિપ્લેસમેન્ટ શ્રીમતી એસ.આર. મહેતા ઍન્ડ સર કે.પી. કાર્ડિયાક ઈન્સ્ટિટ્યૂટ'માં કરવામાં આવે છે. તો આ જ સમયગાળામાં શરીબ અને જરૂરતમંદ દર્દીઓ પર હૉસ્પિટલ્સ કાર્ડિયાક સ્કીમ હેઠળ ૧૫૪ કોરોનરી એન્જિયોગ્રાફી, ર૪૫ કોરોનરી એન્જિયોપ્લાસ્ટી અને ૩૫૬ કાર્ડિયાક સર્જરી હાથ ધરવામાં આવી છે.

ઑર્થોપીડિક કૅરમાં પણ અવ્વલ