આર્થિક વિકાસના માર્ગમાં અવરોધ બની શકે છે રાજકીય અશાંતિ

લોકસભા ચૂંટણી નજીક આવી રહી છે એમ દેશના અમુક અમુક વિસ્તારોમાં ફેલાઈ રહેલી તંગદિલીને કારણે ‘ઈઝ ટુ ડુ બિઝનેસ’નું સ્થાન જાણે ‘ડિફિકલ્ટ ટુ ડુ બિઝનેસ’ લઈ લે એવો માહોલ સર્જાઈ રહ્યો છે.

- જયેશ ચિતલિયા

જ્યાં-ત્યાં વિરોધનું વાતાવરણ અર્થતંત્ર માટે હાનિકારક બની શકે.

ભારતના અર્થતંત્રની ગતિ વિકાસની દિશામાં છે, જીડીપી દર ઊંચો છે અને ઊંચો રહેવાની આશા પણ બુલંદ છે. ગ્લોબલ રેટિંગ એજન્સીઓ અને વૈશ્વિક ઈન્વેસ્ટમેન્ટ સંસ્થાઓ ભારતમાં ઊંચો વિશ્વાસ વ્યક્ત કરતાં હોવાથી અહીં રોકાણપ્રવાહ સતત આવી રહ્યો છે. જીએસટી સહિત કરવેરાનું કલેક્શન એકધારું વધી રહ્યું છે, ફુગાવો અને વ્યાજદર એકંદરે નિયંત્રણમાં છે, બૅન્કિંગ ક્ષેત્રમાં સુધારા ચાલી રહ્યા છે અને એનાં પરિણામ ઉપરાંત ઉત્પાદન અને સર્વિસ ક્ષેત્રની સારી કામગીરી આપણી નજર સામે છે.

આની સાથોસાથ વિદેશી રોકાણકારો સીધા તેમ જ ઈક્વિટી રોકાણમાં સતત રસ લઈ રહ્યા છે. વપરાશ અને ડિમાન્ડ જોરમાં છે. કૉર્પોરેટ કામગીરી એકંદરે બહેતર અને આશાસ્પદ રહી છે. વિવિધ દેશો વેપાર માટે રૂપિયાના વ્યવહારને આવકારી રહ્યા છે, બચતકારોરોકાણકારો ફાઈનાન્સિયલ એસેટ્સમાં વધુ ને વધુ રસ લેતા થઈ રહ્યા છે. મ્યુચ્યુઅલ ફંડનો વ્યાપ તમામ દૃષ્ટિએ વિકસતો જાય છે, સ્ટૉક માર્કેટનો એકંદર ટ્રેન્ડ તેજીનો રહ્યો છે. ભારત વિશ્વનું ત્રીજા ક્રમનું સૌથી વિશાળ અર્થતંત્ર બનવા જઈ રહ્યું છે. ઈન શૉર્ટ, આર્થિક મોરચે અચ્છે દિન વધુ બહેતર બનવાની દિશામાં આગળ વધી રહ્યા છે.

આ બધી વાત સાચી, પરંતુ..