આટલી કાળજી લો.. આ (સર્વાઈલ) કૅન્સરથી બચો

ગર્ભાશયના મુખ સુધી વાઈરસનો ચેપ પહોંચે તો શું થઈ શકે?

- ડૉ. અર્ચના પારસ શાહ

કેન્સરનું નામ પડતાં જ ભલભલા માણસના શરીરમાંથી ભયનું લખલખું પસાર થઈ જાય છે. આ એક એવો રોગ છે, જેમાં શરીરમાં અમુક કોષો બેકાબૂ બનીને વધે છે. શરીરના જે અંગથી આ રોગ શરૂ થાય એના પરથી જ કૅન્સરનું નામ અપાય છે. ગર્ભાશયના મુખમાં થતા કૅન્સરને સર્વાઈકલ કૅન્સર કહે છે. સર્વિક્સ એ ગર્ભાશયના મુખની આગળનો સાંકડો માર્ગ છે, સર્વિક્સ યોનિમાર્ગને ગર્ભાશયના ઉપરના ભાગ સાથે જોડે છે. ગર્ભાવસ્થા દરમિયાન બાળકનો વિકાસ ગર્ભાશયમાં થાય છે.

૩૫થી ૪૪ વર્ષની વયની સ્ત્રીને સર્વાઈકલ કૅન્સરનું નિદાન સૌથી વધુ થાય છે. ચોક્કસ પ્રકારના હ્યુમન પેપિલોમાવાઈરસ (એચપીવી)નો લાંબા ગાળાનો ચેપ એ આ કૅન્સરનું મુખ્ય કારણ છે. એચપીવી એક સામાન્ય વાઈરસ છે, જે સેક્સ દરમિયાન એક વ્યક્તિથી બીજી વ્યક્તિમાં પસાર થાય છે. કોઈ વ્યક્તિ એચપીવીના સંપર્કમાં આવે ત્યારે શરીરની રોગપ્રતિકારક શક્તિ સામાન્ય રીતે વાઈરસને નુકસાન કરતાં અટકાવે છે. જો કે કેટલાક લોકોમાં આ વાઈરસ વર્ષો સુધી ટકી રહે છે, જે સર્વાઈકલ કૅન્સરના કોષો બનવાની પ્રક્રિયા માટે કારણભૂત બને છે.

સર્વાઈકલ કૅન્સરનાં પ્રારંભિક ચિહનો વિકસિત નો વિકસિત થવા માટે ઘણાં વર્ષોનો સમય લાગી શકે છે. એ ગંભીર બને છે, પછી એનાં ચિહ્ન વર્તાય છે, જેમ કે..