આ સંબંધ કોઈ અપરાધ તો નથી જ...

મોટી ઉંમરની સ્ત્રીને કોઈ નાની વયના યુવાન સાથે પ્રેમ થાય તો એ સામે કોઈને વાંધો કેમ હોઈ શકે?

- ડૉ. મિતાલી સમોવા

આપણે ભલે કંઈ પણ માનીએ, પરંતુ ખરેખર આપણા સમાજમાં દંભ એટલે કે હિપ્પોક્રસીની કોઈ સીમા નથી.  ખાસ તો લગ્નસંબંધ અને પ્રેમસંબંધની બાબતમાં. આપણે ત્યાં જેટલી સહજતાથી મોટી ઉંમરના પુરુષ અને એના પ્રમાણમાં નાની સ્ત્રી વચ્ચેના સંબંધો સ્વીકાર્ય છે એટલી આસાનીથી મોટી ઉંમરની મહિલા અને એનાથી નાની ઉંમરના પુરુષના સંબંધો સ્વીકૃત બનતા નથી. મૂળભૂત । રીતે જુઓ તો આ એક પિતૃસત્તાત્મક ખયાલ છે કે પુરુષ દેખાવ સિવાયની બધી જ બાબતમાં હંમેશાં સ્ત્રી કરતાં ચડિયાતો હોવો જોઈએ. એમાં ઉંમરનો પણ સમાવેશ થાય છે.

સાવ પથારીવશ હોય એવા પુરુષ સાથે કોડીલી તરુણી પરણાવતા કે દિયરવટું જેવી પ્રથામાં વિધવા ભાભીને એનાથી અડધી ઉંમરના દિયર સાથે પરણાવવામાં સમાજને અસમાનતા જણાતી નથી, પરંતુ કોઈ વયસ્ક યુવક-યુવતી પોતાની મરજીથી આ પ્રકારના ઉંમરના તફાવત હોવા છતાં ગંભીરતાથી પ્રેમસંબંધમાં જોડાય તો સમાજ એમને સહજતાથી પુરુષ એમનાથી મોટી ઉમરની સાથે જેવો ડૅશિંગ યુવાન મલાઈકા અરોરા જેવી પાટ સ્ત્રી સાથે લાંબો સમય સિરિયસ રિલેશનશિપમાં રહે એ આજે પણ કેમ આપણો સમાજ ચલાવી શકતો નથી અને એને મજાકને પાત્ર ગણે છે?