સ્માઈલ સર્વોત્કૃષ્ટ છે

ચશ્માં અને કૉન્ટેક્ટ લેન્સથી મુક્તિ ઈચ્છો છો?

- પ્રકાશ શાહ

પાલઘરનિવાસી કરણ નાનપણથી ઘરકૂકડો હતો. કરણના ખજાનામાં વિવિધ પ્રકારનાં ઍરોપ્લેન બહુધા પ્રમાણમાં જોવા મળતાં. આ ક્રેઝ સમજણો થયો ત્યારે વધારે વિસ્તરીને પાઈલટ બનવાના સ્વપ્નમાં પરિણમ્યો. કરણના સ્વપ્નપૂર્તિમાં સૌથી મોટી સમસ્યા હતી એની નબળી આંખો. દષ્ટિમાં ઝાંખપને કારણે કરણે ફરજિયાતપણે ચશ્માં પહેરવાં પડતાં. તદ્ઉપરાંત ચશ્માંના નંબર નિરંતર વધતા જતા. ટૂંક સમયથી ચશ્માં પહેરવા છતાં વાચનમાં તકલીફ સાથે લૅપટૉપ પર મનપસંદ ફિલ્મ જોવામાં કે મોબાઈલ પર મેસેજ રીડ કે ટાઈપ કરવામાં ઝાંખપની પ્રતીતિ થતી. આ સમસ્યાને ધ્યાનમાં રાખીને ઓસ્થેલ્મોલૉજિસ્ટનો કૉન્ટેક્ટ કર્યો ત્યારે ચશ્માંના નંબર વધતા જતા હોવાનું જાણીને કણ ખૂબ નિરુત્સાહી થઈગયો. કરણની ક્ષતિને ધ્યાનમાં રાખીને અનેક લોકોએ ચશ્માંના નંબર દૂર કરે એવી લેસિક પ્રક્રિયા કરાવવાની સલાહ આપી.