વિકાસયાત્રા સામે કપરાં ચઢાણ બનતા વૈશ્વિક પડકાર

૨૦૧૪ પછીના દાયકામાં મોદી સરકારે આર્થિક, સામાજિક અને રાજકીય મોરચે ઘણી સફળતા પ્રાપ્ત કરી, હવે ચૂંટણી બાદ મોદી સરકાર જ પાછી સત્તા પર આવવાની આશા-વિશ્વાસ ભલે ઊંચાં રહ્યાં, પણ આપણી પ્રગતિમાં અંતરાય આવવાના જ છે.

- જયેશ ચિતલિયા

ભારતીય અર્થતંત્ર ભલે વિશ્વનું સૌથી ઝડપી વિકસી રહેલું (ફાસ્ટેસ્ટ ગ્રોઈગ ઈકોનોમી) ગણાય, પણ આ અર્થતંત્ર સામે હજી ઢગલાબંધ પડકાર છે અને એ હજી વધી રહ્યા છે. આ સામે સરકારે સજ્જ અને સક્ષમ બનતાં રહેવાનું છે.

આ શબ્દો નાણાપ્રધાન નિર્મલા સીતારમણના છે. અત્યારે ફરી એક વાર વૈશ્વિક સ્તરે યુદ્ધનો માહોલ છવાઈ ગયો છે અને અનિશ્ચિતતા વધુ ઘેરી બની રહી છે ત્યારે નાણાપ્રધાનના આ નિવેદનને સમજવું જરૂરી છે. હજી રશિયાયુક્રેનના યુદ્ધ અને તનાવનાં જખમો આપણા માનસપટ પર છે ત્યાં ઈરાન-ઈઝરાયલ વચ્ચેના વિગ્રહની શક્યતાએ નવી ચિંતાનું વાતાવરણ સર્જી દીધું છે. કરુણતા એ છે કે વૈશ્વિક સ્તરે બનતી આવી ઘટનામાં ભારતનો ક્યાંય હાથ હોતો નથી તેમ છતાં એની ખરાબ કે નકારાત્મક અસરોમાંથી ભારત મુક્ત પણ રહી શકતું નથી.

અનિશ્ચિતતાનું સ્પીડબ્રેકર