બાંગ્લાદેશમાં બદલાતી હવા આપણે કેમ પારખી ન શક્યા?

એક પછી એક પડોશી દેશ આપણી દોસ્તીના પરિઘમાંથી બહાર નીકળી રહ્યા છે. એમાં પણ બાંગ્લાદેશમાં થયેલા બળવા અને સત્તાપરિવર્તનથી તો ભારત માટે મહામુશ્કેલી ઊભી થઈ શકે છે.

- હીરેન મહેતા

બાંગ્લાદેશમાં આવેલો હિંસાનો ઉફાળો | થોડો ઠંડો પડ્યો હોય તો પણ સાવ શાંત થયો નથી અને હાલત હજી થોડો સમય તંગ રહે એવાં એધાણ છે. છેલ્લાં પંદર વર્ષથી સત્તા ભોગવી રહેલાં શેખ હસીનાએ વડાપ્રધાન પદ છોડીને ભાગવું પડ્યું એ પાછળ સરકારી નોકરીમાં અનામતપ્રથા સામેનું આંદોલન તો ઉપર ખાને દેખાતું કારણ જ હતું એ હવે સ્પષ્ટ થતું જાય છે. હસીનાએ એમના સત્તાકાળ દરમિયાન દેશના અર્થતંત્રને એક ચોક્કસ દિશા આપી એને મજબૂત બનાવ્યું હતું, પણ આ ગાળામાં શેખ હસીનાની સરકારે એમના અનેક હરીફોને જેલભેગા કરી દીધા અથવા તો એમને રાજકીય રીતે ખતમ કરી નાખ્યા હતા. બાંગ્લાદેશની લોકશાહી પણ પાકિસ્તાન જેવી જ તકલાદી રહી છે. રાજકીય ક્ષેત્રે શૂન્યાવકાશ ઊભો કરી હસીનાએ તાનાશાહની જેમ સરકાર ચલાવી અને આ જ કારણે એ અળખામણાં બન્યાં.

ભારેલો અગ્નિઃ બાંગ્લાદેશની આ આા ભારતને કેટલી દઝાડશે?