వళరి

ఇందులో శ్రీరామ్ హీరో. ఇదొక హారర్ థ్రిల్లర్.ఈటీవీ విన్ ఓటీటీలో స్ట్రీమింగ్ అవుతోంది.

'గురు' ఫేమ్ రితికా సింగ్ ప్రధాన పాత్రలో నటించిన తాజా సినిమా 'వళరి'.ఆమె డ్యూయల్ రోల్ చేశారు. ఇందులో శ్రీరామ్ హీరో. ఇదొక హారర్ థ్రిల్లర్.ఈటీవీ విన్ ఓటీటీలో స్ట్రీమింగ్ అవుతోంది. ఈ సినిమా ఎలా ఉంది? భయపెడుతుందా? లేదా? దర్శకురాలు ఎం మృతిక సంతోషిణి ఎలా తీశారు? అనేది రివ్యూలో చూడండి.

కథ : నవీన్ (శ్రీరామ్) నేవీలో కెప్టెన్. ఆయన భార్య పేరు దివ్య (రితికా సింగ్). ఈ దంపతులకు ఓ కుమారుడు. ఉద్యోగరీత్యా నవీన్ కుటుంబం కృష్ణపట్నం వస్తుంది. తొలుత నేవీ క్వార్టర్స్లో దిగినా... తర్వాత వెంకటాపురం బంగ్లాకు షిఫ్ట్ అవుతారు. పదమూడేళ్ల అమ్మాయి తల్లిదండ్రులను చంపినట్టు దివ్యకు తరచూ కల వస్తుంది. దివ్య కలకు, వెంకటాపురం బంగ్లాకు సంబంధం ఏమిటి? ఆ బంగ్లాలో దిగిన తర్వాత దివ్యకు యాక్సిడెంట్ కావడానికి కారణం ఏమిటి? ఆమె గతం మర్చిపోతే ట్రీట్మెంట్ ఇవ్వడానికి వచ్చిన సైక్రియాట్రిస్ట్ రుద్ర (సుబ్బరాజు), దివ్య కుటుంబానికి బంగ్లా అద్దెకు ఇచ్చిన రామచంద్ర (ఉత్తేజ్), దివ్య తల్లి బాలాంబిక (రితికా సింగ్) ఎవరు? ఓసారి చావు నుంచి తప్పించుకున్న దివ్య, మళ్లీ చావు దగ్గరకు వెళ్లిన తర్వాత ఏమైంది? ఆ బంగ్లా ఎవరిది? వంటి ప్రశ్నలకు సమాధానాలు 'వళరి' సినిమా చూసి తెలుసుకోవాలి.