హసీన్ దిల్రూబా'

హసీన్ దిల్రూబా'

విక్రాంత్ మాస్సే '12th ఫెయిల్' తో తెలుగు ప్రేక్షకుల్లోనూ గుర్తింపు సొంతం చేసుకున్నారు. అయితే, ఆయన హిందీలో చాలా సినిమాలు చేశారు. వాటిలో తాప్సీతో నటించిన 'హసీన్ దిల్రూబా' ఒకటి. అది 2021లో వీక్షకుల ముందుకు వచ్చింది. తాజాగా ఆ సినిమా సీక్వెల్ 'ఫిర్ ఆయి హసీన్ దిల్రూబా' విడుదలైంది. ఇదీ నెట్లెక్స్ ఓటీటీ కోసం రూపొందిన ఎక్స్ క్లూజివ్ సినిమా. ఇందులో విక్కీ కౌశల్ తమ్ముడు సన్నీ కౌశల్ మరొక హీరో. జిమ్మీ షెర్గిల్ కీలక పాత్ర చేశారు. కణికా థిల్లాన్ కథ అందించిన ఈ సినిమా ఎలా ఉంది?

కథ : 'హసీన్ దిల్రూబా' కథ గుర్తు ఉందా? రిషి సక్సేనా (విక్రాంత్ మాస్సే), రాణి కశ్యప్ (తాప్సీ పన్ను)కు పెళ్లి అవుతుంది. అయితే సంసార జీవితం సరిగా సాగదు. అప్పుడు రిషి కజిన్ నీల్ త్రిపాఠి (హర్షవర్ధన్ రాణే)కి దగ్గర అవుతుంది రాణి. అతడిని పెళ్లి చేసుకోవాలని అనుకుంటుంది.అనూహ్యంగా నీల్ మాయం అవుతాడు. మళ్లీ వచ్చి రాణికి బ్లాక్ మెయిల్ చేయడంతో అతడిని చంపేసి పోలీసుల నుంచి ఎస్కేప్ అవుతారు రిషి, రాణి.