కలి

ప్రిన్స్ టాలెంట్ ఉన్న ఆర్టిస్ట్. హీరోగా ఇండస్ట్రీలోకి వచ్చారు. తర్వాత యంగ్ హీరోల సినిమాల్లో కీ రోల్స్ చేశారు.

ప్రిన్స్ టాలెంట్ ఉన్న ఆర్టిస్ట్. హీరోగా ఇండస్ట్రీలోకి వచ్చారు. తర్వాత యంగ్ హీరోల సినిమాల్లో కీ రోల్స్ చేశారు. కొంత విరామం తర్వాత ఆయన హీరోగా నటించిన సినిమా 'కలి'. కె. రాఘవేంద్ర రెడ్డి సమర్పణ, శివ శేషు దర్శకత్వంలో లీలా గౌతమ్ వర్మ నిర్మించారు. ఇందులో నరేష్ అగస్త్య మరో హీరో. ప్రిన్స్ భార్య పాత్రలో నేహా కృష్ణన్ నటించారు.

ఈ సినిమా ఎలా ఉందంటే?

కథ : శివరామ్ (ప్రిన్స్) మంచోడు. ఎవరైనా ఏదైనా అడిగితే సాయం చేయడం తప్ప తిరిగి తీసుకోవడం తెలియదు. శివరామ్ మంచితనాన్ని అలుసు చేసుకుని అతడిని చాలా మంది మోసం చేస్తారు. అతనిలోని ఏ లక్షణం అయితే నచ్చి ప్రేమించి పెళ్లి చేసుకుందో... చివరకు ఆ లక్షణం నచ్చడం లేదని అతణ్ణి వదిలేసి వెళ్లిపోతుంది వేద (నేహా కృష్ణన్).సమాజంలో మనుషుల మధ్య బ్రతకలేనని ఆత్మహత్య చేసుకోవడానికి శివరామ్ రెడీ అవుతాడు. ఉరి వేసుకునే సమయంలో డోర్ కొట్టడంతో వెళ్లి తీస్తాడు. చూస్తే అతని ఎదురుగా ఓ వ్యక్తి (నరేష్ అగస్త్య) ఉంటాడు.భారీ వర్షంలోనూ తడవకుండా వచ్చిన అతడిని చూసి ఆశ్చర్యపోతాడు.ఎందుకు ఆత్మహత్య చేసుకుంటున్నావని అడిగి విసిగిస్తాడు. కోపంతో వచ్చిన వ్యక్తిని బయటకు గెంటేస్తాడు శివరామ్. తాగిన మత్తులో కింద పడతాడు.