కలెక్టర్ సార్... మీ టాస్క్ ఫోర్స్ కమిటీ ఎక్కడ..?

• దోపిడి దొంగల ముఠాగా మారిన కలెక్టర్ టాస్క్ ఫోర్స్ కమిటీ • మాకేం సంబంధం లేదంటున్న బోడుప్పల్, పీర్జాదిగూడ మున్సిపల్ అధికారులు • టాస్క్ ఫోర్స్ కమిటీ పేరు చెప్పి లక్షలల్లో దోచుకుంటున్న ఆఫీసర్లు

• దోపిడి దొంగల ముఠాగా మారిన కలెక్టర్ టాస్క్ ఫోర్స్ కమిటీ

• మాకేం సంబంధం లేదంటున్న బోడుప్పల్, పీర్జాదిగూడ మున్సిపల్ అధికారులు

• టాస్క్ ఫోర్స్ కమిటీ పేరు చెప్పి లక్షలల్లో దోచుకుంటున్న ఆఫీసర్లు

కళ్లేదుటే బఫర్ జోన్లో బహుళ అంతస్తుల అక్రమ కట్టడాలు.. ఎలాంటి అనుమతులు లేకుండా పుట్టగొడుగుల్లా నిర్మాణాలు.. చెరువు కుంటలలో నిర్మించిన అక్రమ ఇండ్లు నీటిలో మునిగిపోయే.. పార్కులు, రోడ్లు కబ్జా.. అక్రమ నిర్మాణాలు.. ఆఖరుకు దేవాలయం, స్మశానం కూడా కబ్జా.. పుట్టగొడుగుల్లా పుట్టుకోస్తున్నా వీటి పని పట్టరాయే.. బోడుప్పల్, పీర్జాదిగూడ మున్సిపల్ కార్పొరేషన్ పరిధిలో ప్రభుత్వ స్థలాలలో కబ్జాలు చేసి అక్రమ నిర్మాణాలు చేస్తున్నా మేడ్చల్ కలెక్టర్ ఉన్నట్టా... లేనట్టా...? ఇంతకు ఈయన గారి ఆధ్వర్యంలో ఉన్న టాస్క్ ఫోర్స్ కమిటీ ఎక్కడ..! ఇంతకూ ఈ కమిటీ పనిచేస్తుందా..! లేదా..? ఒకవేళ పనిచేస్తే ఏ విధంగా పనిచేస్తుంది. ప్రస్తుతం ఈ టాస్క్ ఫోర్స్ కమిటీ ఒక దొంగల ముఠాగా ఏర్పడి ప్రభత్వ ఆదాయానికి భారీగా గండి కొడుతున్నది. " జిల్లా బాస్ లు ఇతర శాఖల అధికారులు ఉన్నా..వీటిని పర్యవేక్షించే కమిటీలున్నా... చేష్టలుడిగి పోతున్నారే తప్ప.. ఇది అక్రమమని చర్యలు తీసుకున్న నాథుడే లేకపోవడం విడ్డూరం. అక్రమాలకు సహకరిస్తున్న టాస్క్ ఫోర్స్ కహానిపై పూర్తి విశ్లేషణతో 'ఆదాబ్ హైదరాబాద్' స్పెషల్ స్టోరీ...