బరిలో నిలిచే కాషాయ ధీరులు..?

• అభ్యర్థుల ఎంపికలో బీజేపీ అధినేతలు బిజీ  • తెలంగాణలో మొదటి విడత అభ్యర్థుల లిస్ట్ రెడీ

• అభ్యర్థుల ఎంపికలో బీజేపీ అధినేతలు బిజీ 

• తెలంగాణలో మొదటి విడత అభ్యర్థుల లిస్ట్ రెడీ

• కీలక నేతలందరూ బరిలో దిగడానికి షురూ

• అవసరమైతే చివరి క్షణంలో మార్పులు 

పొలిటికల్ కరస్పాండెంట్ వాసు కుమార్, హైదరాబాద్ 03 ఆగస్టు (ఆదాబ్ హైదరాబాద్): రానున్న అసెంబ్లీ ఎన్నికల బరిలో కీలక నేతలను రంగంలోకి దింపేందుకు కమలం పార్టీ అధినేతలు కుస్తీ పడుతున్నారు. ఎలాగైనా సరే తెలంగాణ రాష్ట్రంలో అధికారాన్ని చేజిక్కించుకునేందుకు కీలక నేతలను రంగంలోకి దింపేందుకు సిద్ధమయ్యారు. గత ఎన్నికల్లో జరిగిన గుణ పాఠాలను పరిగణలోకి తీసుకొని ఈసారి ముందుగానే భారతీయ జనతా పార్టీ అభ్యర్థుల ఎంపికపై దృష్టి పెట్టింది. ఇప్పటికే బీఆర్ఎస్, కాంగ్రెస్ పార్టీల  అధినాయకత్వం అభ్యర్థులను ఎంపిక చేసి ప్రచార బరి లోకి దింపింది.. బీ.ఆర్.ఎస్. అధికారికంగా పలుచోట్ల అభ్యర్థులను ఎంపిక చేసిన విషయం తెలిసిందే. కాంగ్రెస్ పార్టీ అధికారికంగా అభ్యర్థులను ఖరారు చేయనప్పటికీ ఆయా పార్టీలో పలు నియోజకవర్గాల్లో ఇప్పటికే పలువురు నేతలు ప్రచారాన్ని ముమ్మరం చేశారు.