బీఆర్ఎస్ ఇక టీ ఆర్ఎస్?

• కొత్త పేరుతో కలిసిరావట్లేదని నమ్మిన కేసీఆర్ • పేరు మార్పుతో ప్రజలకు దూరమయ్యామనే భావన

• తెలంగాణ సెంటిమెంట్ మిస్సయ్యిందనే టాక్ 

• డ్యామేజీని తగ్గించేందుకు అధినేత ఆలోచన

• నేమ్ చేంజ్ ప్రజలకు దగ్గరవ్వాలనే స్కెచ్

• కేటీఆర్కు సూచించిన ఎమ్మెల్యే కడియం శ్రీహరి

• మెజార్టీ కార్యకర్తల అభిప్రాయం కూడా అదే..

• పార్టీ అధినేత కేసీఆర్ దృష్టికి తీసుకెళ్లాలని సూచన

హైదరాబాద్ 11 జనవరి (ఆదాబ్ హైదరాబాద్ : తెలంగాణ ప్రజల స్వరాష్ట్ర కాంక్షను నెరవేర్చేందుకు ఆవిర్భవించిన ఉద్యమపార్టీ తెలంగాణ రాష్ట్ర సమితి (తెరాస) ..అనూహ్యంగా తెలంగాణ రాష్ట్రం ఏర్పాటు తర్వాత తెరాస పూర్తి స్థాయిలో రాజకీయ పార్టీగా మారిపోయింది..పదేళ్లపాటు తెలంగాణ రాష్ట్రాన్ని పాలించి దేశ రాజకీయాల్లో తనదైన ముద్రను వేసుకుని కీలకమైన భూమికను పోషించే ఎదిగి బలమైన వ్యవస్థను నిర్మాణం రాష్ట్రంలో బలమైన పార్టీగా.. వ్యవస్థగా రూపాంతరం చెందిన తర్వాత తెరాస రాజకీయాలపై పడింది. తెలంగాణ రాష్ట్రంలో సంస్థాగతంగా తాము బలంగా ఉన్నామని భ్రమించి నేలను విడిచి సాము చేయడానికి తెరాస అగ్రనాయకత్వం ఢిల్లీ వైపు అడుగులు వేశారు. తెరాస .. బీఆర్ఎస్ గా రూపాంతరం చెందనంతవరకు టీడీపీ, బీఎస్పీ లాంటి ప్రాంతీయ పార్టీలు తెలంగాణ లో పోటీ చేయాలంటేనే తడుముకోవాల్సిన పరిస్థితులు ఉండేవి.. తెలంగాణ రాష్ట్రము ఏర్పడిన తరువాత తెలంగాణ రాష్ట్రానికి వాళ్లే పేటెంట్లుగా చెప్పుకుని తిరిగిన తెరాస అగ్ర నాయకత్వానికి పార్టీ మార్పు ఎన్నో సమస్యలు తెచ్చిపెట్టింది. చివరికి అధికారానికి దూరం కావాల్సిన పరిస్థితులు ఏర్పడ్డాయి..