₹ 40 వేల కోట్లు.పెట్టుబడులు

దావోస్ లో మెరిసిన తెలంగాణ.. 35 వేలకు పైగా తెలంగాణలో కొలువులు ప్రపంచ దిగ్గజ కంపెనీలన్నీ తెలంగాణ వైపే

ఇన్వెస్ట్మెంట్ ల ఆకర్షణలో రాష్ట్రం సరికొత్త రికార్డు 

దావోస్లో తెలంగాణకు పెట్టుబడుల వర్షం

స్కిల్ యూనివర్సిటీ ఏర్పాటుపై అదానీతో సుముఖత

గోడి ఇండియా భారీ ప్రాజెక్టు - రూ.8,000 కోట్లు

తెలంగాణలో పంప్డ్ స్టోరేజీ ప్రాజెక్ట్- రూ.9,000 కోట్లు

గ్రీన్ ఫీల్డ్ డేటాసెంటర్- వెబ్ వెర్క్స్ రూ. 5,200 కోట్లు

భారీ పెట్టుబడులకు గోద్రెజ్ కంపెనీ ఆసక్తి

హైదరాబాద్ 19 జనవరి (ఆదాబ్ హైదరాబాద్: తెలంగాణలో భారీగా పెట్టుబడులు పెట్టేందుకు పారిశ్రామికవేత్తలు ముందుకొస్తున్నారు.దావోస్ లో వరల్డ్ ఎకనామిక్ ఫోరమ్ వేదికగా తెలంగాణ ప్రభుత్వంతో పారిశ్రామికవేత్తలు ఎంవోయూలు చేసుకుంటున్నారు. తెలంగాణలో రూ.12,400 కోట్ల పెట్టుబడులు పెట్టేందుకు అదానీ గ్రూప్ ముందుకొచ్చింది. దావోస్లోని వరల్డ్ ఎకనామిక్ ఫోరమ్లో అదానీ గ్రూప్ ఛైర్మన్ గౌతమ్ అదానీ, సీఎం రేవంత్ రెడ్డితో భేటీ అయ్యారు. మొత్తం రూ.12,400 కోట్ల పెట్టుబడులకు సంబంధించి రాష్ట్ర ప్రభుత్వంతో అదానీ గ్రూప్ అవగాహన ఒప్పందాలు ఎంవోయూలు చేసుకుంది. సీఎం రేవంత్ రెడ్డి, మంత్రి శ్రీధర్ బాబు సమక్షంలో అదానీ గ్రూప్ ఛైర్మన్ గౌతమ్ అదానీ, ఏరోస్పేస్, డిఫెన్స్ సీఈవో ఆశిష్ రాజవంశీ ఈ ఒప్పందాలపై సంతకాలు చేశారు.