ఇక నేరుగా ప్రజల్లోకి వెళతా

• 12న ఇంద్రవెళ్లి సభతో ప్రారంభిస్తా  • పార్లమెంట్ ఎన్నికల్లో ఫలితాలు సాధించడమే లక్ష్యం  • వేసవి నీటి ఎద్దడి రాకుండా ముందస్తు చర్యలు

• ప్రతి గ్రామానికి మంచినీరు అందించేలా ప్రతిపాదనలు 

• తాగునీటికి కొత్తగా ఏర్పాటు చేసిన రిజర్వాయర్ల వినియోగం 

• తాగునీటి నిర్వహణా బాధ్యతలు సర్పంచ్లకు అప్పగింత 

• అధికారులకు స్పష్టమైన ఆదేశాలు ఇచ్చిన సీఎం రేవంత్

హైదరాబాద్ 30 జనవరి (ఆదాబ్ హైదరాబాద్ : ప్రజల్లోకి వెళ్లేందుకు 2వ తేదీ నుంచి సభలు నిర్వహిస్తున్నామని తెలంగాణ ముఖ్యమంత్రి, టీపీసీసీ చీఫ్ ఎనుముల రేవంత్రెడ్డి వ్యాఖ్యానించారు. 2వ తేదీన ఇంద్రవెళ్లిలో సభ ఉందని...నేతలు, కార్యకర్తలు పెద్దఎత్తున తరలి వచ్చి విజయవంతం చేయాలని పిలుపునిచ్చారు. పార్లమెంట్ ఎన్నికలు ఇంకా 60 రోజులలో జరిగే అవకాశాలు ఉన్నాయని వ్యాఖ్యానించారు.మంగళవారం నాడు గాంధీభవన్ లో సీఎం రేవంత్ మీడియాతో మాట్లాడుతూ... ఇప్పటికే రాజ్యసభ ఎన్నికల షెడ్యూల్ వచ్చిందని.. తెలంగాణలో కూడా రాజ్యసభ ఎన్నికల జరుగుతున్నాయని తెలిపారు. లోక్ సభ ఎన్నికల్లో మంచి ఫలితాలు వచ్చేలా కృషి చేయాలని సూచించారు. రాష్ట్ర ప్రభుత్వం ప్రజలకు ఇచ్చిన హమీలను అమలు చేస్తోందన్నారు. ఇప్పటికే పార్లమెంట్ నియోజక వర్గాల వారీగా ఇన్చార్జీలను నియమించినట్లు తెలిపారు. పార్లమెంట్ నియోజక వర్గాల వారీగా సభలు నిర్వహించి ముందుకు పోవాలని కోరారు.అభ్యర్థుల ఎంపిక పూర్తిగా అధిష్ఠానం చూసుకుంటుందన్నారు.హైకమాండ్ తెలంగాణకు పరిశీలకులను నియమించిందని వివరించారు. హరీష్ చౌదరీ చైర్మన్ కమిటీ పనులు చేస్తుందని స్పష్టం చేశారు. ఆ కమిటీ అభ్యర్థుల ఎంపిక చూసుకుంటుందని చెప్పారు. మనం కష్టపడి కాంగ్రెస్ విజయం సాధించే విధంగా కృషి చేయాలని సీఎం రేవంత్ రెడ్డి పేర్కొన్నారు.