అవినీతికి కేరాఫ్ పీర్జాదిగూడ మున్సిపల్ కార్పొరేషన్

-మార్కెట్ నిర్మాణం పూర్తి చేసి మూడేండ్లయినా పట్టించుకోని లీడర్లు.. - మూగ జీవుల ఆవాసంగా మారిన కూరగాయల మార్కెట్ కమీషన్ల కోసం కక్కుర్తి పడుతూ ప్రజాధనం లూటీ - ప్లాన్ ప్రకారం కాజేస్తున్న బీఆర్ఎస్ నాయకులు అసాంఘిక కార్యకలాపాలకు అడ్డాగా మారిన వైనం

హైదరాబాద్, 13 ఫిబ్రవరి (ఆదాబ్ హైదరాబాద్): పీర్జాదిగూడ మున్సిపల్ కార్పోరేషన్ ప్రజాప్రతినిధులకు ఓ కల్ప వృక్షంలా మారింది. ఇక్కడ అధికారుల అవినీతిని లికించాలంటే పేపర్లు, పుస్తకాలూ సరిపోవు. తాము ప్రభుత్వ ఉద్యోగులమని మరిచిన కొంత మంది అధికారులు పాలకుల అడుగులకు అందిన కాడికి -మడుగులొత్తుతూ వారి అండదండలతో ఇష్టానుసారంగా దోచేసుకుంటున్నారు. వివరాల్లోకి వెళ్ళితే ఫిర్జాదిగూడ మున్సిపల్ కార్పోరేషన్లో ఇక్కడ పెరుగుతున్న జనాభా అవసరాలకు అనుగుణంగా లక్షల రూపాయలు వెచ్చించి నాన్ -వెజ్, వెజిటేబుల్ మార్కెట్లను కార్పొరేషన్ నిర్మించింది. నిజానికి ఈ మార్కెట్ నిర్మాణం పూర్తయ్యి మూడేండ్లు కావొస్తున్నాపాలకులు మాత్రం ప్రారంభోత్సవం చేయడంలేదు. ఎందుకు అన్న సంగతి పక్కన పెట్టి సాకులు చెబుతున్నారు.