స్త్రీల ప్రాతినిధ్యం లేని స్త్రీనిధి

• రిటైర్డ్ అధికారి విద్యాసాగర్ “రెడ్డి” లాబీయింగ్ను కాపాడుతున్న కాంగ్రెస్ ప్రభుత్వం! • రిజర్వ్ బ్యాంక్ నిబంధనలకు విరుద్ధంగా 12 ఏళ్ళుగా విద్యాసాగర్ రెడ్డి కొనసాగింపు..

• రిటైర్డ్ అధికారులకు రిహాబిలిటేషన్ సెంటర్ గా మారిన 'స్త్రీ నిధి' 

• మంత్రి సీతక్క మౌనం 'స్త్రీనిధి'కి పెను ప్రమాదం..

• స్త్రీల ప్రాతినిధ్యమే లేని తెలంగాణ ‘స్త్రీనిధి'పై “ఆదాబ్” ప్రత్యేక కథనం.

పేదరిక నిర్మూలన కోసం 'స్త్రీ నిధి' అగ్రవర్ణ రిటైర్డ్ అధికారుల చేతిలో బంధీ..

పెరుమాళ్ళ నర్సింహారావు, 11 మార్చి, ఆదాబ్ హైదరాబాద్ ప్రత్యేక ప్రతినిధి, సెల్ఫ్ హెల్ప్ గ్రూపుల్లో పొదుపు చేస్తున్న మహిళలు గ్రామ సంఘాలుగా ఏర్పాటై, మండల సమైఖ్య, ఆపైన జిల్లా సమైక్యలుగా నిర్మాణం జరిగి, అన్ని జిల్లా మహిళా సమైక్య సభ్యుల నుండి స్త్రీలే 'స్త్రీ నిధి'కి పాలకమండలిని ఏర్పాటు చేసుకుంటారు. అధ్యక్షులుగా, ఉపాధ్యక్షులుగా, కోశాధికా రిగా ఇలా మొత్తం 19 మంది బోర్డ్ డైరెక్టర్లుగా నియమిం చబడతారు. ఈ ప్రక్రియ మొత్తం రిజర్వ్ బ్యాంక్ ఆఫ్ ఇండియా నిబంధనల మేరకు ఏర్పాటైన 'క్రెడిట్ కోఆపరేటివ్ ఫెడరేషన్ లిమిటెడ్' అని పిలువబడే ఈ సంస్థకు ఎన్నుకోబడిన ఈ 19 మంది మహిళ డైరెక్టర్లే శాసనకర్తలు. వీళ్లు తీర్మానించిందే శాసనం, వీళ్ళ లో నిర్ణయమే ఫైనల్. కానీ ఇక్కడ అది అమలు జరగడం లేదు. ఈ సంస్థకు మేనేజింగ్ డైరెక్టర్ గా 12 ఏళ్లుగా తిష్ట వేసి కూర్చున్న రిటైర్డ్ అధికారి విద్యాసాగర్ రెడ్డి 'స్త్రీ నిధి'ని తన చెప్పు చేతల్లో పెట్టుకు న్నారు. మహిళా డైరెక్టర్లను తాను రచించిన తీర్మానాలపై సంతకాలు మాత్రమే పరిమితం చేసిన వైనం ఇక్కడ నెలకొంది. 2021-22 స్త్రీనిధి అధికారిక లెక్కల ప్రకారం రూ.312 కోట్ల 81 లక్షలు ఇందులో మహిళల వాటాదనం ఉండగా, రూ.43 కోట్ల 52 లక్షలు రాష్ట్ర ప్రభుత్వ వాటాధనాన్ని ఇందులో కలిపింది. ని మహిళల అభ్యున్నతి, ఆర్థిక స్వాలంబన కోసమే ఏర్పాటైనట్లు చెప్పుకుం టున్న స్త్రీ నిధి పూర్తిగా ఇప్పుడైతే అగ్రవర్ణ రిటైర్డ్ అధికారులు చేతుల్లో బందీగా మారింది. కేవలం మహిళా పాలకమండలి సభ్యుల అధికార ఆదేశాలతో నడవాల్సిన ఈ 'స్త్రీ నిధి' ఒక రిటైర్డ్ అధికారి అయిన విద్యాసాగర్ రెడ్డి చేతిలో హస్తగతం అయింది.పూర్తిగా ఆయన కనుసన్నల్లోనే ఈ సంస్థ నడుస్తోంది.

రిటైర్డ్ అధికారులకు రిహాబిలిటేషన్ సెంటర్ గా మారిన దుస్థితి..