మహాముదురు మధుసూదన్ రెడ్డి

ఇదే స్థలంలో ఫ్రీ కాస్ట్ వాల్స్ నీ కూలగొట్టిన గత అమీన్పూర్ మున్సిపల్ కమిషనర్ సుజాత

• తీగలాగితే డొంక కదిలినట్టు తవ్వే కొద్ది బయటపడుతున్న అక్రమాలు..

• ఓర్జినల్ డాక్యుమెంట్లు పోయాయని పోలీస్ స్టేషన్లో సర్టిఫికెట్ పొందిన మహావీర్ జైన్..

• సంతోష్ సౌండ్ కంపెనీ పేరుతో అమీన్పూర్ లో లేఅవుట్లో ఖాళీ స్థలాలపై నజర్..

• చక్రపురి కాలనీలో చక్రం తిప్పిన మధుసూదన్ రెడ్డి..

• లే అవుట్లో రోడ్లు, పార్క్ స్థలాలు కబ్జా చేసేందుకు పక్కా స్కెచ్..

• అక్రమంగా వేసిన ఫ్రీ కాస్ట్ వాల్స్ అన్నీ కూల్చివేసిన గత మున్సిపల్ కమిషనర్ సుజాత..

• కూల్చి వేసిన కమీషనరే కబ్జాకు పరోక్ష సహకారం అందించడంలో ఏమిటి మతలబు..? • అధికారం అడ్డం పెట్టుకొని అక్రమాలకు తెగబడిన గూడెం బ్రదర్స్..

• వీరి అక్రమాల్లో మాజీ మంత్రి హరీష్ రావు హస్తం ఉందని అనుమానాలు..? • ఈడీ అధికారులు గత మున్సిపల్ కమిషనర్ సుజాత, మహావీర్ జైన్ అక్రమాల పై దృష్టి సారిస్తే కళ్ళు బైర్లు కమ్మే నిజాలు బట్టబయలు అవుతాయని వెల్లువెత్తుతున్న డిమాండ్స్..

హైదరాబాద్ 23 జూన్ (ఆదాబ్ హైదరాబాద్) : అవినీతికి, అక్రమాలకు పాల్పడేవాళ్లు ముదుర్లయి వుంటారు.. కానీ కొంతమంది మాహా ముదుర్లుగా పేరు తెచ్చుకుంటారు.. వీరు అధికారాన్ని సునాయాసంగా వాడుకుంటారు.. కాసులకు కక్కుర్తిపడే అధికారులను తమ చేతుల్లో పెట్టుకుంటారు.. వీరికి కోర్టులు, నిబంధనలు, చట్టాలు అంటే లెక్కే ఉండదు.. ఎంత అవినీతి చేసాం..? ఎంతమేర పైకం జేబుల్లో వేసుకున్నాం.. ఇదే వీరి ఎజెండాగా కొనసాగుతుంది.. శిక్షలు పడతాయని తెలిసినా వాటిని ఎలా మేనేజ్ చేయాలో వీరికి తెలిసినంతగా ఎవరికీ తెలియదు.. అలాంటి కోవలోకే వస్తారు గూడెం బ్రదర్స్.. వీరి అవినీతికి అంతు అనేది ఉండదు.. వీరు చేసే అరాచకాలకు ఫుల్ స్టాప్ ఉండదు.. ప్రభుత్వం ఏదైనా తమకు అనుకూలంగా మార్చుకోగలం అనే అతి తెలివితేటలు, ధైర్యం వీరికి ఉంటుంది.