ఈపీఎఫ్ జమలో...కాంట్రాక్టర్ కక్కుర్తీ

• ఈపీఎఫ్ జమలో మోసాలకు పాల్పడ్డట్లు కార్మికుల ఆరోపణ

• శ్రీరాంపూర్ ఓసీపీలో భారీ అవినీతి

• సీఆర్ఆర్ జాయింట్ వెంచర్ సంస్థ మోసం

• ఈపీఎఫ్ జమ చేయడంలో ఇష్టారాజ్యం

• గుట్టుచప్పుడు కాకుండా సాగుతున్న వైనం

• కాంట్రాక్టర్కు సహకరిస్తున్న అధికారులు

• 18నెలల్లో సుమారు రూ.55 లక్షలు స్వాహా

మంచిర్యాల 16 జూలై (ఆదాబ్ హైదరాబాద్) : సింగరేణిలో ఉద్యోగాలంటేనే భయం.. భయం. అసలు ఇంటినుంచి బయల్దేరిన వ్యక్తి తిరిగి ఇంటికి వస్తాడా లేదా అని ఎదురు చూస్తుంటారు ఇంట్లోళ్లు. అంత డేంజర్గా ఉన్నా సింగరేణిలో పనిచేసేందుకు వేలాది మంది కార్మికులు వెనుకాడడం లేదంటే వాళ్లు ఎంతో గ్రేట్. అలాంటి వారి డబ్బులను కాజేస్తున్నారు.కొందరు బద్మాష్ గాళ్లు. 'మనిషి మర్మం, మాను చేవ బయటకి తెలియవు' అన్నట్టు వాళ్లు రోజు పనికి వెళ్లి రావడమే తెలుసు. నెల అయిన తర్వాత జీతం తీసుకెళ్లి ఇంట్లో వాళ్లకు ఇవ్వడం, సరిపడ సరుకులు, ఇతర ఖర్చులు పెట్టుకుంటారు. కానీ ఈపీఎఫ్, ఈఎస్ఐ వంటి ఇతరత్రా కటింగ్ ల గురించి వాళ్లకు అస్సలే తెలియవు. సింగరేణి సంస్థ కోసం కష్టపడి పనిచేసే కార్మికుల సంక్షేమానికి సంస్థ పెద్ద పీట వేస్తుంది. దసరా, దీపావళి బోనస్ లు, లాభాల్లో వాటాలు ఇలా చెప్పుకుంటూ పోతే కోల్ మైనింగ్ దేశంలో ఏ సంస్థ కల్పించనన్ని సదుపాయాలను సింగరేణి సంస్థ కార్మికులకు అందిస్తున్నది. కాగా, సింగరేణిని కాంట్రాక్ట్ పనులు తీసుకున్న కొన్ని సంస్థలు లాభాపేక్షతో చేసే పనులు.. ఆ సంస్థను అభాసుపాలు చేస్తుండడం గమనార్హం.