సిగ్గులేకుండా మాట్లాడుతున్న బీఆర్ఎస్ నేతలు

• కేటీఆర్, హరీన్లకు రేవంత్ సర్కార్ను విమర్శించే హక్కులేదు

• తెలంగాణ కేసీఆర్ ఏటీఎం అన్న మోదీ వ్యాఖ్యలు ఏమైనయ్..

• నేడు ప్రధాని ఎందుకు మాట్లాడడం లేదు?

• రూ.8లక్షల కోట్ల అప్పుజేసి ఆగంచేసి సిగ్గులేకుండా మాట్లాడతారా..?

• బీఆర్ఎస్ నేతలు రాష్ట్రాన్ని దోచుకుతిన్నారు

• ఆరు గ్యారెంటీలు, రుణమాఫీ చేస్తున్న కాంగ్రెస్ గవర్నమెంట్పై విమర్శలా..

• బీఆర్ఎస్ పై మాజీ ఎంపీ, కాంగ్రెస్ సీనియర్ నేత రవీంద్ర నాయక్ విమర్శలు

హైదరాబాద్ 01,అక్టోబర్ (ఆదాబ్ హైదరాబాద్): పొద్దున లేచినప్పటి నుండి రేవంత్ రెడ్డి ప్రజా ప్రభుత్వాన్ని అస్థిర పరచడానికి కేటీఆర్, హరీశ్ రావు ప్రయత్నిస్తున్నారని మాజీ ఎంపీ, కాంగ్రెస్ సీనియర్ నేత రవీంద్ర నాయక్ మండిపడ్డారు.రేవంత్ రెడ్డి ముఖ్యమంత్రి అయిన వెంటనే కాంగ్రెస్ పార్టీ ప్రభుత్వం ఇచ్చిన ఆరు గ్యారెంటీలు అమలు చేసి, రైతులకు ఒకేసారి రెండు లక్షల రుణమాఫీ చేసి దేశంలోనే చరిత్ర సృష్టించిన విషయాన్ని జీర్ణించుకోలేక కేసీఆర్, బీఆర్ఎస్ లీడర్స్ ముఖ్యంగా బావబామ్మర్దులు చెలరేగి పోతున్నారు.