రక్షణ విషయంలో రాజీపడబోము

• దేశాభివృద్ధిలో తెలంగాణ పాత్ర కీలకంగా మారింది : కేంద్ర మంత్రి రాజ్నాథ్ సింగ్ • అత్యాధునిక పరికరాల ద్వారా దేశ రక్షణ రంగాన్ని బలోపేతం చేస్తాం.

• రాడార్ కేంద్రానికి సీఎం రేవంత్ రెడ్డి సహకరించారు...

• రక్షణరంగ పరికరాల తయారీలో హైదరాబాద్ ముందు వరుసలో ఉంది

• కేంద్ర రక్షణ మంత్రి రాజ్నాథ్ వెల్లడి

• సీఎంతో కలిసి వికారాబాద్ జిల్లా దామగుండం నేవీ రాడార్ కేంద్రం ఏర్పాటుకు శంకుస్థాపన..

• దేశ రక్షణలో తెలంగాణ రాష్ట్రం మరో అడుగు ముందుకు వేయబోతోంది

• దేశ రక్షణకు సంబంధించి కీలకమైన డిఫెన్స్, ఎన్.ఎఫ్.సీ లాంటి కేంద్రాలకు హైదరాబాద్ గుర్తింపు..

• దేశభద్రత విషయంలో రాజకీయాలు సరికాదు..

• పార్టీలు, సిద్ధాంతాలు వేరైనా భద్రత, రక్షణ విషయంలో కేంద్రంతో కలిసే ఉంటాం : కేంద్ర మంత్రి రాజ్నాథు సీఎం రేవంత్ రెడ్డి హామీ

వికారాబాద్ జిల్లా, అక్టోబర్ 15 (ఆదాబ్ హైదరాబాద్): పార్టీలు వేరైనా దేశాభివృద్ధిలో అందరూ కలిసి ముందుకెళ్లాలని కేంద్ర రక్షణ మంత్రి రాజ్నాథ్సంగ్ అన్నారు. వికారాబాద్ జిల్లా దామగుండం రిజర్వు ఫారెస్టులో రాడార్ స్టేషన్ నిర్మాణానికి శంకుస్థాపన అనంతరం ఏర్పాటు చేసిన సభలో రక్షణ మంత్రి ప్రసంగించారు. అబ్దుల్ కలాం జయంతి నాడు వీఎల్ఎఫ్ స్టేషన్కు శంకుస్థాపన చేయడం చాలా ఉందన్నారు. ప్రాజెక్టుకు ఏర్పాటుకు అన్ని విధాలా అండగా నిలిచిన సీఎం రేవంత్రెడ్డికి అభినందనలు తెలిపారు.రక్షణరంగ పరికరాల తయారీలో హైదరాబాద్కు గొప్ప పేరుందని, దేశాభివృద్ధిలో తెలంగాణ పాత్ర కీలకంగా మారిందన్నారు. దేశ భద్రత విషయంలో వీఎల్ఎఫ్ పాత్ర కీలకమన్నారు. కమ్యూనికేషన్ విషయంలో ఈ కమాండ్ సెంటర్ ప్రముఖ పాత్ర పోషిస్తుందని రాజ్నాథ్సంగ్ తెలిపారు.కమ్యూనికేషన్ విషయంలో భవిష్యత్తు దిశగా అడుగులు వేయాలి. సాంకేతికయుగంలో కమ్యూనికేషన్ అనేక రకాలుగా ఉపయోగ పడుతుంది. కమ్యూనికేషన్ రంగంలో పావురాలు, గుర్రాల నుంచి ఇక్కడి వరకు వచ్చాం. తపాలా వ్యవస్థను అనేక ఏళ్లుగా వినియోగించుకున్నాం. ఇప్పుడంతా ఇంటర్నెట్ యుగం.. సమాచారం క్షణాల్లో చేరుతోంది.