విషం చిమ్ముతున్న దివీస్

• అండగా నిలుస్తున్న గులాబీ దళం • కాలుష్యంతో చౌటుప్పల్ ప్రజల అరిగోస

• బీఆర్ఎస్ కు నేతలకు దివిస్ ముద్దు అంబూజా వద్దు

• అధికారం ఉన్నప్పుడు బెల్లం..ప్రతిపక్షంలో ఉన్నప్పుడు అల్లమా

• ఇదేం పద్దతి అంటూ ప్రశ్నిస్తున్న చౌటుప్పల్ వాసులు • దివిస్ ల్యాబ్స్కు రూ. 1400 కోట్లతో విస్తరణ

• నాడు ఫార్మా కంపెనీకి అడ్డదారిలో పర్మిషన్స్.. నేడు అంబుజాను వ్యతిరేకించిన బీఆర్ఎస్

• అంబుజా కంటే దివిస్ పొల్యూషన్ వెయ్యిరేట్లు ఎక్స్ ట్రా..

హైదరాబాద్ 07, నవంబర్ (ఆదాబ్ హైదరాబాద్): కాలుష్యపు కోరల్లో ప్రజలు చిక్కుకుంటే మాకేంది అని గత ప్రభుత్వ హయాంలో కంపెనీలకు ఒత్తాసు పలికారు కొందరు నాయకులు. 'అత్తమీద కోపం దుత్తమీద తీర్చుకున్నట్లు' కాలుష్య విషం వదిలే కంపెనీలకు చెందిన యాజమాన్యాల ద్వారా మాముళ్లు తీసుకొని పేద ప్రజల ఆరోగ్యానికి నష్టం చేకూరుస్తున్నారు. కద్దర్ చొక్కా వేసుకొని, ఇస్తిరి నలగకుండా కార్లల్లో తిరిగే నాయకులకు ఏం తెలుసు కాలుష్య కోరల్లో బతికే పేదల ఇక్కట్లు గురించి. యాదాద్రి భువనగిరి జిల్లా పరిధిలో ఉన్న దివీస్ ఫార్మా కంపెనీకి అన్ని విధాలా సహరిస్తూ నెలనెలా అమ్యామ్యాలు తీసుకొని నాయకులు, అధికారులు ప్రజల జీవితాలతో చెలగాటం ఆడుతున్నారు. కాలుష్య నియంత్రణ మండలి సైతం దీని గురించి పట్టించుకోదు. చౌటుప్పల్ పరిసర ప్రాంతాల గ్రామాల ప్రజలు ఎన్నిమాట్లు తాము దివీస్ కంపెనీ వదిలే కాలుష్యం ద్వారా తమ పంటలు, పశువులు, మేము నష్టపోతున్నామని కనీసం తాగుదామన్న నీళ్లు కూడా స్వచ్చంగా లేవు అంటూ తమ ఘోడు వెళ్లబోసుకున్న పట్టించుకు నాధుడే లేరు. అప్పటి ప్రభుత్వ సహకారం, అధికారుల సహకారం, నేతల అండదండలతో ఆ ఫార్మా కంపెనీ మూడు పువ్వులు ఆరుకాయలు వరాజిల్లింది. వీటికి తోడు సామాన్యుల అనారోగ్యానికి కారణమైంది. కానీ అడుక్కునేవాడింటికి బుడబుక్కల వాడు వచ్చినట్టు అప్పట్లో ఆఫీసర్లు, లోకల్ నేతలు మాముళ్ల మత్తులో జోగారు.