దేవుడి భూమి రాక్షసుల పాలు..

సుమారు రూ.400 కోట్ల విలువ గల దేవుడిమాన్యం ఆక్రమించిన అక్రమార్కలు రాజేంద్రనగర్, అత్తాపూర్ లో నాలుగున్నర ఎకరాల భూమి మాయం

• అనంత పద్మనాభ స్వామి ఆలయ భూమికి ఎసరు

• కోర్టు ఉత్తర్వులు సైతం దిక్కరిస్తున్న కబ్జాదారులు

• ఎండోమెంట్ భూమికి రక్షణ కరవు

• ఆలయ భూములను లీజ్లకు ఇచ్చి కోట్లు గడిస్తున్న అక్రమార్కులు..

సిద్దాపురం శ్రీపాల్ రెడ్డి

• కబ్జాకోరులకు ఆఫీసర్ల పూర్తి అండ దండలు!

• 2నెలల్లో స్వాధీనం చేసుకోవాలని కోర్టు ఆర్డర్

• అక్రమార్కులతో చేతులు కలిపిన దేవాదాయ శాఖ

• లోపాయికారి ఒప్పందంతో పట్టించుకోని అధికారులు

హైదరాబాద్ 30, డిసెంబర్ (ఆదాబ్ హైదరాబాద్): ‘పొట్టోడు నెత్తి పొడుగోడు కొడితే.. పొడుగోని నెత్తి పోశమ్మ కొడుతుంది' అన్న సామెత విన్నాం కానీ, ఇదీ అందుకు విరుద్ధంగా ఉంది. దేవుడి మాన్యానికే ఎసరు పెట్టేశారు. దేవాలయ భూమిపై కన్నుపడ్డ అక్రమార్కులు దాన్ని కొట్టేశారు. ఎండోమెంట్ అధికారుల అండతో కోట్లాది రూపాయల విలువైన భూమిని పొతం పెట్టారు. తెలంగాణలో భూముల ధరలు అమాంతం పెరిగి పోవడంతో తిండి తినడం మానేసి భూములనే తింటున్నారు కొందరు అక్రమార్కలు. ఎక్కడ ప్రభుత్వ, అసైన్డ్, ఆలయ భూములుంటే కబ్జాకోరులు వాటి అంతుచూస్తున్నారు.రెవెన్యూ, జీహెచ్ఎంసీ అధికారులను మచ్చిక చేసుకొని ఖరీదైన భూములను కొల్లగొడుతున్నారు. రాజధాని నగరమైన హైదరాబాద్ లో భూముల రేట్లు బాగా ఉండడంతో ఖతం చేస్తున్నారు.

దేవాదాయ శాఖ ఆఫీసర్లతో లోపాయికారి ఒప్పందాలు కుదుర్చుకొని దానిని ఆక్రమించేస్తున్నారు. హైదరాబాద్, రంగారెడ్డి ఉమ్మడి జిల్లాల పరిధిలో భూముల పనిపడుతున్నారు.