బీసీల సమగ్రాభివృద్ధే లక్ష్యం

- నేడు 'జయహో బీసీ' సదస్సు  -బీసీ డిక్లరేషన్ మంగళవారం విడుదల - సదస్సుకు హాజరుకానున్న చంద్రబాబు, పవన్ కల్యాణ్

- బీసీల ప్రత్యేక సమస్యలకు పరిష్కారం 

- రాజకీయ, ఆర్థిక, సామాజిక ప్రగతికి బాటలు

- డిక్లరేషన్ పై తెదేపా, జనసేన అగ్ర నేతల సుదీర్ఘ చర్చలు

అమరావతి-ఆంధ్రనాడు, మార్చి 4. జనాభాలో సగానికి పైగా ఉండే వెనుకబడిన తరగతుల వారి సమగ్రాభివృద్ధికి నేటి తరుణంలో చేపట్టవలసిన చర్యలతో తెదేపా-జనసేన కూటమి మంగళవారంనాడు 'బీసీ డిక్లరేషన్' విడుదల చేయనున్నది.దీనికోసం ‘జయహెూ బీసీ' సదస్సును ఆచార్య నాగార్జున విశ్వవిద్యాలయం సమీపంలో నిర్వహిస్తున్నారు. తెలుగుదేశం జాతీయ అధ్యక్షులు నారా చంద్రబాబునాయుడు, జనసేన అధినేత పవన్ కల్యాణ్, తెదేపా రాష్ట్ర శాఖ అధ్యక్షులు కింజరాపు అచ్చెన్నాయుడు, సీనియర్ నేత, మాజీ మంత్రి యనమల రామకృష్ణుడు, టీడీపీ బీసీ సాధికార కమిటి ఛైర్మన్ కొల్లు రవీంద్రతో పాటు రెండు పార్టీలకు చెందిన అగ్ర నాయకులు, కార్యకర్తలు సదస్సులో పాల్గొంటారు. నేడు  విడుదల చేయనున్న 'బీసీ డిక్లరేషన్'కు సంబంధించిన వివిధ అంశాలను చర్చిం చేందుకు సోమవారం నాడు తెదేపా కేంద్ర కార్యాలయంలో యనమల రామ కృష్ణుడు ఆధ్వర్యంలో విస్తృత స్థాయి సమా వేశం జరిగింది. దాదాపు 3 గంటలపాటు జరిగిన ఈ సమావేశంలో తెదేపా నాయకులు అచ్చెన్నాయుడు, కొల్లు రవీంద్ర, అనగాని సత్యప్రసాద్ దువ్వారు రామారావు, పంచుమర్తి అనురాధ, కాల్వ శ్రీనివాసులు, బీద రవిచంద్రయాదవ్, వీరంకి గురుమూర్తి, జనసేన నాయకులు పోతిన మహేష్, బోనబోయిన శ్రీనివాస్ యాదవ్ తో పాటు ఇతర నాయకులు, వివిధ బీసీ కులాల ప్రతినిధులు పాల్గొన్నారు.

బీసీలు తెదేపాకు వెన్నెముక