பிற நாட்டு வளங்களை இந்தியா ஒருபோதும் அபகரித்ததில்லை

கயானா நாடாளுமன்றத்தில் பிரதமர் மோடி உரை

பிற நாடுகளின் வளங்களை இந்தியா ஒருபோதும் அபகரித்ததில்லை; தனது எல்லையை விரிவாக்க வேண்டுமென்ற மனநிலையும் இந்தியாவுக்கு கிடையாது என்று பிரதமர் நரேந்திர மோடி தெரிவித்தார். கயானா நாட்டின் நாடாளுமன்ற சிறப்பு அமர்வில் வியாழக்கிழமை உரையாற்றியபோது அவர் இவ்வாறு குறிப்பிட்டார்.

சீனாவின் எல்லை விரிவாக்க நடத்தை குறித்து உலக அளவில் அதிருப்தி நிலவும் சூழலில், பிரதமரின் கருத்துகள் முக்கியத்துவம் பெற்றுள்ளன.

நைஜீரியா, பிரேஸில், கயானா ஆகிய நாடுகளுக்கான 6 நாள்கள் அரசுமுறைப் பயணத்தின் இறுதிக்கட்டமாக கயானாவின் ஜார்ஜ்டவுன் நகருக்கு கடந்த புதன்கிழமை வந்த பிரதமர் மோடி, அந்நாட்டு நாடாளுமன்ற சிறப்பு அமர்வில் வியாழக்கிழமை உரையாற்றினார்.