મા તારા રક્તનો બુંદેબુંદનો ઋણી છું

મમ્મી.. તું તો બલિદાનની મૂર્તિ.. સહનશીલતાની મૂર્તિ

(ગતાંકથી ચાલુ)

૨જત એકદમ ધસી આવ્યો.. ને મમ્મી... કહી ઘાંટો પાડ્યો. નમ્રતાબેન આંખો ફાડી દિકરાને જોઇ રહ્યા. રજતે બાવડું પકડી મમ્મીને ઝબ્ઝોરી નાખી.. ને કહ્યું, બોલ મમ્મી.. તું ક્યાં જાય છે? જવાબ આપ.

નારીની સહનશીલતા એ વધુ એક વાર કહ્યું .. બેટા, સમય આવશે ત્યારે હું તને બધું જણાવીશ. ચાલ તારા માટે દૂધ બનાવું છું.. પણ મમતે ચડેલા દીકરાએ આજે મા ને હડસેલો મારીને કહ્યું, બોલ મમ્મી.. કોની સાથે જાય છે? અને ક્યાં જાય છે?

નમ્રતાબેન સ્તબ્ધ થઈ ગયા.. બોલ્યા દીકરા.. ત્યાં તો રજતે ..મા.. ને ધક્કો માર્યો.. એ સાથે જ નમ્રતાબેન નું માથું રસોડાના પથ્થરના રેક સાથે અથડાયું અને ચીસો પાડતા નમ્રતાબેન બેભાન થઈ ગયા. તેમની ચીસ સાંભળી બાજુવાળા અમી બેન દોડી આવ્યા. નમ્રતાબેન ને બેભાન થયેલા જોઈ તાબડતોબ દવાખાને લઇને દોડયા.