നെഞ്ചിടിപ്പോടെ ഇന്ത്യ

രോഹിത് യാദവ് ഫൈനലിലെത്തിയെങ്കിലും ഇന്ന് മെഡൽ ഉറപ്പിക്കണമെങ്കിൽ അൽഭുതം കാട്ടേണ്ടി വരും.

യൂജിൻ: ഒറിഗോണിൽ ഇന്ന് ഇന്ത്യയുടെ പ്രതീക്ഷാ പുലർകാലം. രാവിലെയോടെ ഇന്ത്യൻ താരങ്ങളായ നീരജ് ചോപ്ര, രോഹിത് യാദവ്, മലയാളി താരം എൽദോസ് പോൾ എന്നിവരുടെ മത്സരഫലങ്ങൾ പുറത്തുവരും. ഏറെക്കുറേ ഉറപ്പുള്ള മെഡലിനയാണ് പുരുഷ ജാവലിൻ ത്രോയിൽ നീരജ് ചോപ്ര ഇറങ്ങുന്നത്. എന്നാൽ അപ്രതീക്ഷിത ചാട്ടവുമായി ഫൈനലിലെത്തിയ മലയാളി താരം എൽദോസ് പോളും ഇന്ന് പ്രതീക്ഷയ്ക്ക് വക നൽകുന്നുണ്ട്. രോഹിത് യാദവ് ഫൈനലിലെത്തിയെങ്കിലും ഇന്ന് മെഡൽ ഉറപ്പിക്കണമെങ്കിൽ അൽഭുതം കാട്ടേണ്ടി വരും.