യുദ്ധം തീർക്കാൻ പ്രധാനമന്ത്രി പോളണ്ടിൽ, നാളെ യുക്രെയ്നിലേക്ക്

എല്ലാ കണ്ണുകളും മോദിയിലേക്ക്

ന്യൂഡൽഹി: രണ്ടു ദിവസത്തെ സന്ദർശനത്തിനായി പോളണ്ടിലെത്തിയ പ്രധാനമന്ത്രി നരേന്ദ്രമോദിയുടെ യുക്രെയ്ൻ പര്യടനം സാകൂതം വീക്ഷിച്ച് ലോകം. യുക്രെയ്ൻ റഷ്യ യുദ്ധപരിഹാരത്തിനുള്ള സാധ്യതയാണ് മോദിയുടെ സന്ദർശനത്തിലൂടെ ലോകം പ്രതീക്ഷിക്കുന്നത്. അതേ സമയം ഇന്നലെ പോളണ്ടിന്റെ തലസ്ഥാനമായ വാായിലെ സൈനിക വിമാനത്താവളത്തിൽ നരേന്ദ്ര മോദിക്ക് പോളിഷ് സേന ഗാർഡ് ഓഫ് ഓണർ നൽകി. പോളണ്ടിലെ മലയാളിയായ ഇന്ത്യൻ അംബാസഡർ നഗ്മമല്ലിക്കടക്കമുള്ളവർ പ്രധാനമന്ത്രിയെ സ്വീകരിച്ചു. രണ്ടാം ലോക മഹായുദ്ധ കാലത്ത് പോളിഷ് അഭയാർത്ഥികളെ സ്വീകരിച്ച ഇന്ത്യൻ രാജാക്കൻമാർക്ക് പോളണ്ടിലുള്ള സ്മാരകങ്ങളിൽ നരേന്ദ്ര മോദി പുഷ്പാർച്ചന നടത്തി.