കുടിവെള്ളം മുട്ടി തലസ്ഥാനം - 5 ദിവസം പിന്നിടുന്നു

സ്കൂളുകൾക്ക് ഇന്ന് അവധി തിരുവന്തപുരം : കുടിവെള്ളം പ്രശ്നം രൂക്ഷമായതോടെ തിരുവനന്തപുരം കോർ പറേഷനിലെ എല്ലാ സ്കൂളുകൾക്കും ഇന്ന് അവധി പ്രഖ്യാപിച്ചു. ഇന്നത്തെ ഓണപരീക്ഷകളും മാറ്റിവെച്ചു.

തിരുവനന്തപുരം: നഗരത്തിൽ കുടിവെള്ളം മുട്ടിയിട്ട് ഇന്ന് അഞ്ചാം ദിവസം. ഇന്നലെ വിതരണം പുനരാരംഭിക്കുമെന്ന് അധികൃതർ അറിയിപ്പ് നൽകിയെങ്കിലും ആ ഉറപ്പും പാഴായി. ഇതോടെ നഗരത്തിലെ 44 വാർഡുകളിലും വെള്ളംകിട്ടാതെ ജനം വലയുന്നു. നാല് നിയമസഭാ മണ്ഡലങ്ങളിലെ വാർഡുകളിലാണ് കുടിവെള്ളം മുട്ടിയത്.

തിരുവനന്തപുരം-നാഗർകോവിൽ റെയിൽ പാത ഇരട്ടിപ്പിക്കലുമായി ബന്ധപ്പെട്ട് പൈപ്പ് ലൈനിന്റെ അലൈൻമെന്റ് മാറ്റുന്ന പണികൾ ആരംഭിച്ചതോടെയാണ് നഗരത്തിലെ ജനങ്ങളുടെ ദുരിതം തുടങ്ങിയത്. ഒരുതുള്ളി വെള്ളം പോലും ഇല്ലാതായതോടെ പലരും വീടുവിട്ട് മറ്റു പ്രദേശങ്ങളിലെ ബന്ധുവീടുകളിലേക്ക് അഭയം തേടി. ചിലരാകട്ടെ ഹോട്ടലുകളിൽ അഭയം തേടി.

ഇന്ന് ഉച്ചയോടെ പരിഹാരമെന്ന് അധികൃതർ