ખેડૂત આંદોલનથી ઉત્તર ભારતના રાજ્યોને થઈ શકે છે મોટું નુકસાન

આંદોલનને કારણે રોજનું રૂ. ૫૦૦ કરોડનું આર્થિક નુકસાન થશે ખેડૂતોનું આંદોલન પંજાબ, હરિયાણા, દિલ્હી, ઉત્તર પ્રદેશ અને રાજસ્થાનના કેટલાક ભાગોમાં સૂક્ષ્મ, લઘુ-મધ્યમ ઉધોગો મંત્રાલયના વ્યવસાયોને ગંભીર અસર કરી રહ્યું છે

હાલ ખેડૂતો પોતાની માંગણીઓને લઈને ફરી રસ્તા પર ઉતરી આવ્યા છે. ખેડૂત સંગઠનોના આહ્વાન પર હજારો ખેડૂતો ટ્રેક્ટર-ટ્રોલી સાથે દિલ્હી તરફ કૂચ કરી રહ્યા છે. ખેડૂતોના વિરોધને જોતા હરિયાણા-પંજાબ બોર્ડર સીલ કરી દેવામાં આવી છે. ખેડૂતોને હરિયાણાની સરહદમાં પ્રવેશવા દેવામાં આવી રહ્યા નથી. જેના કારણે પોલીસ અને ખેડૂતો વચ્ચે ઘર્ષણની સ્થિતિ સર્જાઈ છે. આ તરફ શંભુ બોર્ડર પર અથડામણમાં ઘણા પોલીસ કર્મીઓ અને ખેડૂતો ઘાયલ થયા હોવાના અહેવાલ છે. દરમિયાન ખેડૂતોના આંદોલનની અસર રાજ્યની તિજોરી પર પણ પડવા લાગી છે.