આણંદ જિલ્લામાં સ્વામિનારાયણ પ્રોજેક્ટના નામે ડોક્ટર સાથે કરોડોની ઠગાઇ કરાઈ

જૂનાગઢના મહંત જે.કે.સ્વામી સહિત છ સામે ફરિયાદ આણંદના રિંઝા ગામે ૭૦૦ વિઘા જમીનના સોદામાં નફાની લાલચ આપી વિઘા દીઠ ૧૦,૧૧ લાખના ભાવે સોદો નક્કી કરી ૧.૩૪ કરોડ ખંખેર્યા । પોલીસ દ્વારા તપાસનો ધમધમાટ

સાબરમતી નદી કિનારે પોઇચા જેવું મોટું સ્વામિનારાયણ મંદિર બનાવવાના નામે સુરતના તબીબ પાસેથી રૂપિયા ૧.૩૪ કરોડ ખંખેરી લેવાયા છે. સમગ્ર ઘટનાની વાત કરીએ તો, આણંદના તારાપુરના રીંઝા ગામે સાબરમતી નદી કિનારે આવેલી જમીન જૂનાગઢના સ્વામી ખરીદવા ઇચ્છતા હોવાની વાત ડો.હડિયા સમક્ષ રજૂ કરવામાં આવી. સુરેશ ઘોરી નામના વ્યક્તિએ તબીબને વિશ્વાસમાં લઇને જમીનના સોદામાં મધ્યસ્થી માટે તૈયાર કર્યા હતા.